Հանրային լսում՝ Տաթև բնակավայրում
Տաթև համայնքի Տաթև բնակավայրում կայացել է հանրային լսում, որի ընթացքում տեղի են ունեցել ակտիվ և բովանդակալից քննարկումներ համայնքային նշանակության մի շարք հարցերի շուրջ։
Հանրային լսման ընթացքում Տաթև համայնքի ղեկավար Սամվել Լալայանը ներկայացրել է համայնքում իրականացվող և առաջիկայում նախատեսվող ծրագրերը, ինչպես նաև անդրադարձել է առկա խնդիրներին և դրանց լուծման ուղղություններին։ Բնակիչները հնարավորություն են ունեցել բարձրաձայնելու իրենց մտահոգությունները, առաջարկներն ու հարցերը՝ տարբեր ոլորտների վերաբերյալ։
Քննարկումները ընթացել են բաց և կառուցողական մթնոլորտում։ Համայնքի ղեկավարը պատասխանել է բնակիչների բոլոր հարցերին, տվել պարզաբանումներ և ընդգծել համայնք–բնակիչ համագործակցության կարևորությունը՝ համայնքի կայուն զարգացման ապահովման նպատակով։
