Համայնքի ղեկավար Դավիթ Ղուլունցն այսօր հյուրընկալեց ՄԱԿ-ի պարենի համաշխարհային ծրագրի (WFP) ուղեկցությամբ համայնք ժամանած դպրոցական տաք սնունդն ապահովող Ռուսաստանի Դաշնության պատվիրակությանը։

Հանդիպման ընթացքում համայնքի ղեկավարի կողմից ներկայացվեց WFP-ի հետ համատեղ իրականացված ծրագրերն ու հյուրերին առաջարկեց համագործակցության հնարավոր տարբերակների դեպքում տաք սննդի ծրագիրն իրականցնել նաև համայնքային նախակրթարաններում։

Կողմերն արծարծեցին նաև այլընտրանքային արևային էներգիայով համայնքի ապահովվածության առնչվող հարցեր, և պայմանավորվածություն ձեռք բերվեց ակտիվորեն աշխատելու այդ ուղղությամբ։

Այցի ընթացքում պատվիրակությունը շրջայցեր կատարեց նաև դպրոցներում, ինչպես նաև ծանոթացան Տեղում իրականացված ոռոգման ծրագրերի կատարված աշխատանքներին։