Գիտե՞ք, երբեմն մարդիկ տեսնում են մի հին, ավերված եկեղեցի ու հարց են տալիս՝ «Սա լքվա՞ծ է, թե՞ խոնարհ»
Թվում է՝ տարբերությունը միայն բառերի մեջ է, բայց իրականում դրանք տարբեր պատկերներ են փոխանցում
Լքված եկեղեցին դեռ կանգուն է։ Մարդիկ այլևս այնտեղ չեն գալիս, աղոթքներ չեն հնչում, բայց կառույցը պահպանվել է։ Դռները գուցե փակ են, ներսը մոռացության մատնված, բայց այն կանգուն է, իսկ երբ ասում ենք խոնարհված եկեղեցի, խոսքն արդեն անցյալ դարձած շինության մասին է։ Գուցե մնացել են միայն պատերի մի հատվածը կամ հիմքերը։ Եկեղեցին այլևս գոյություն չունի որպես ամբողջական կառույց։
Ճիշտ բառն ընտրել նշանակում է զգալ տեղի պատմությունը։ Ուստի լքվածը դեռ սպասում է իր հավատացյալներին, իսկ խոնարհվածը՝ արդեն հիշողություն է դարձել
Ճերմակավանքի կանգուն պատը
