ՀԱՅՏԱՐԱՐՈՒԹՅՈՒՆ
Գորիս համայնքում մեկնարկել է մասնակցային բյուջետավորման 2026 թվականի գործընթացը
Ի՞նչ է մասնակցային բյուջետավորումը
Մասնակցային բյուջետավորումը հնարավորություն է տալիս յուրաքանչյուր 16 տարին լրացած բնակչի ներկայացնելու իր առաջարկը կամ գաղափարը՝ համայնքային որևէ խնդրի լուծման վերաբերյալ։
Օրինակ՝ կարելի է առաջարկել փողոցի բարեկարգում, խաղահրապարակի կամ լուսավորության համակարգի տեղադրում և այլ նախաձեռնություններ։
Ներկայացված առաջարկները կուսումնասիրվեն, և լավագույնները կներառվեն համայնքի բյուջեում։
Ինչպե՞ս ներկայացնել առաջարկը
Առաջարկը կարող եք ներկայացնել՝
• գրանցվելով համայնքի պաշտոնական կայքում,
• մուտք գործելով «Մասնակցային բյուջետավորում» բաժին,
• սեղմելով «Ուղարկել առաջարկ» կոճակը։
Հարթակում կարող են գրանցվել 16 տարին լրացած, ՀՀ բնակչության ռեգիստրում գրանցված այն անձինք, որոնք ունեն հանրային ծառայության համարանիշ և անձնագիր կամ նույնականացման քարտ։
Գրանցման ընթացքում պարտադիր է լրացնել և հաստատել բջջային հեռախոսահամարը, ինչպես նաև նշել էլեկտրոնային փոստի հասցեն՝ հետադարձ կապի համար։
Համայնքի պաշտոնական կայք՝
https://goriscity.am/Pages/DocFlow/Default.aspx?a=v&tv=-4…
Հայտերն ընդունվում են ս/թ փետրվարի 17-ից մինչև ս/թ փետրվարի 19-ը։
Միացե՛ք համայնքի զարգացման գործին՝ ձեր գաղափարներով ու նախաձեռնություններով։
