ԳՈՐԻՍԻ ԲԿ-ՈՒՄ ԱՅՍՈՒՀԵՏ ԿԻՐԱԿԱՆԱՑՎԵՆ ՃՈՂՎԱԾՔՆԵՐԻ ԲՈՒԺՄԱՆ ԼԱՊԱՐՈՍԿՈՊԻԿ ՄԵԹՈԴՈՎ ՎԻՐԱՀԱՏՈՒԹՅՈՒՆՆԵՐ
Սիրելի՜ հայրենակիցներ
Տեղեկացնում ենք, որ այսուհետ Գորիսի ԲԿ-ում իրականացվելու են որովայնի առաջային պատի ճողվածքների (աճուկային ,ազդրային և այլն) լապարոսկոպիկ վիրահատություններ, որոնք ներկայումս համարվում են ճողվածքների վիրահատական բուժման նորագույն և արդյունավետ եղանակ:
Հիշեցնում ենք,որ Գորիսի ԲԿ-ում լապարոսկոպիկ եղանակով իրականացվում են նաև լեղապարկի հեռացման, որդանման ելունի հեռացման, ձվարանի կիստայի հեռացման և այլ վիրահատություններ:
Բոլոր վիրահատություններն իրականացվում են ինչպես վճարովի,այնպես էլ անվճար հիմունքներով բնակչության հետևյալ հիմնական խմբերի համար՝
ընտանեկան նպաստի համակարգում ընդգրկված 28.01 և ավելի բարձր անապահովության միավոր ունեցող նպաստառուներ.
հաշմանդամություն ունեցող անձինք՝ ֆունկցիոնալության խորն աստիճանի սահմանափակումով, ինչպես նաև 1-ին խմբի հաշմանդամություն ունեցող անձինք.
հաշմանդամություն ունեցող անձինք՝ ֆունկցիոնալության ծանր աստիճանի սահմանափակումով, ինչպես նաև 2-րդ խմբի հաշմանդամություն ունեցող անձինք.
հաշմանդամություն ունեցող անձինք՝ ֆունկցիոնալության միջին աստիճանի սահմանափակումով, ինչպես նաև 3-րդ խմբի հաշմանդամություն ունեցող անձինք.
զինծառայողներ և նրանց հավասարեցված անձինք, նրանց ընտանիքների անդամներ
Հայաստանի Հանրապետությունում փախստական ճանաչված և ապաստան ստացած, ինչպես նաև 2023 թվականի սեպտեմբերի 19-ից Ադրբեջանի կողմից Լեռնային Ղարաբաղի դեմ սանձազերծված ռազմական գործողությունների հետևանքով բռնի տեղահանված անձինք.
Հարցերի համար կարող եք զանգահարել վիրաբուժական բաժանմունքի վարիչ Նարեկ Թունյանին հետևյալ հեռախոսահամարով՝ 094-47-21-41:
