Այսօր ծնվել է հայ քանդակագործ, Հայաստանի Հանրապետության վաստակավոր նկարիչ Գետիկ Բաղդասարյանը:
1968 թվականին ավարտել է Երևանի գեղարվեստի ուսումնարանը, 1974 թվականին՝ Երևանի գեղարվեստա-թատերական ինստիտուտը։ 1975 թվականից դասախոսում է Երևանի Գեղարվեստի ակադեմիայում։ 1993 թվականից քանդակագործության բաժնի ղեկավար, ամբիոնի վարիչ, պրոֆեսոր 1995 թվականից։
Աշխատանքները ցուցադրվում են Հայաստանի ազգային պատկերասրահում, Մոսկվայի Տրետյակովյան, Իվանովո և այլ քաղաքների պատկերասրահներում։
Ստեղծել է դիմաքանդակներ, կոմպոզիցիոն և խորհրդանշական քանդակներ։
* «Առյուծ» և «Խոյ», 1982 թ., Մասիս
* «Առնո Բաբաջանյան», 1984 թ.
* «Հազարան բլբուլ», 1986 թ., Իջևան
* «Կյանք-դրախտ-դժոխք», Դանթեի մոտիվներով, 1998 թ.
* «Հոգու աչքեր», 1998 թ., ոսկե մեդալ, Ֆլորենցիա
* «Գրիգոր Լուսավորիչ», 2001 թ.
* Համո Սահյանի հուշարձանը Սիսիանում, 2004 թ.
* Սերո Խանզադյանի կիսանդրի, Գորիս, 2004 թ.
* Աշոտ Նավասարդյանի հուշարձան, 2005 թ., Սիսիան
* Գուսան Աշոտի հուշարձան, Գորիս, 2005 թ.
* Ներսես Աշտարակեցու հուշարձան, Աշտարակ, 2007 թ.
* Լևոն Միրիջանյանի կիսանդրի, 2009 թ., Երևան, բանաստեղծի անվան թիվ 155 դպրոցի բակում
Հարթաքանդակներ
* Երևանի Սուրբ Սարգիս եկեղեցու տասներկու առաքյալները, 1999 թ.
* Սուրբ Գրիգոր Լուսավորիչ եկեղեցու Սուրբ Թովմաս առաքյալը, 2001 թ.
* Գյումրիի Սուրբ Հակոբ Մծբնացի եկեղեցու չորս ավետարանիչները և ութ հայ սրբերը
Մոնումենտալ կառույցներ
* «Զանգեզուրի դարպասներ», Սիսիան
* «Կտրիճ», 1988 թ., Սիսիան
