Այլևս օգտատերը, որը մտնում է «Միտանիք», չի կարող օգտագործել արգելված բառ կամ արտահայտություն։
Համակարգը թույլ չի տա։ Շուտով նաև բովանդակային վերահսկողություն կհաստատվի։
Արտակարգ իրավիճակների կառավարման սկզբունքներից բխող այս կարգը պետք է պարտադիր լինի բոլորիս համար։
Միայն վերադառնալով պատշաճության ու բարոյականության հիմքեր մենք կարող ենք դիմակայել անսանձ «լիբերալիզմի», «հպարտ քաղաքացու» կուլտի մարտահրավերները և փոխադարձ վստահությամբ իրականացնել կառուցողական ու ստեղծագործական ծրագրեր։
«Միտանիքի» հանրային մեկնարկը նախատեսված է նոյեմբերի 1-ին։
Իսկ նրանք, ովքեր կմերժեն մեր ավանդական պատշաճության ու բարոյականությանը վերադառնալու անհրաժեշտությունը, թող շարունակեն իրենց անսանձ, քաոսային անպտուղ ու անօգուտ վարքագիծը օտար ու թշնամական ցանցներում։
Խնդիր չէ, իրականում ազգի փրկությունը կախված է այն մեկից հինգ տոկոս հայրենասերներից՝ Արծրուն Պեպանյանի տերմինով՝ ազգակիրներից, որոնք կմիավորվեն ու կստեղծեն մագնիսական ձգելիության դաշտ «Միտանիքի» նման ցանցում։