Ընտրված նյութեր ֊ Գորիս

Գորիսի ԲԿ-ի բժիշկ-ստոմատոլոգ Արթուր Տոռոզյանը մասնակցել է Իտալիայի Բոլոնիա քաղաքում անցկացված 5-օրյա միջազգային կոնֆերանս-դասընթացին։ Մասնագիտական ծրագրի ընթացքում նա ծանոթացել է ժամանակակից ստոմատոլոգիայի նորագույն մոտեցումներին, այդ թվում՝ իմպլանտների վրա պրոթեզավորման և վիրաբուժական ոսկրային հավելման մեթոդներին։

Բնակավայրում կառուցվում է շուրջ 1,6 կմ երկարությամբ ոռոգման ջրագիծ, որը կնպաստի գյուղատնտեսական նշանակության հողերի արդյունավետ ոռոգմանը և գյուղատնտեսական աշխատանքների բարելավմանը։ Աշխատանքների ընթացքը մշտապես վերահսկվում է Տաթև համայնքի ղեկավար Սամվել Լալայանի կողմից։

Գորիսի համայնքային մանկապատանեկան մարզադպրոցի սան, Հայաստանի գործող չեմպիոն Էդիկ Մարտիրոսյանը Աբու Դաբիում անցկացվող 2026 թվականի MMA-ի պատանիների աշխարհի առաջնությունում հաղթել է երեք մենամարտում և 83.9 կգ քաշային կարգում նվաճել բրոնզե մեդալ։ Մարզիկի մարզիչն է Ժորա Թումանյանը։

Բարձրակարգ ռեստորանը միայն համեղ ուտեստն ու գեղեցիկ ինտերիերը չէ։ Հաճախ հաճախորդի փորձը որոշում են ամենափոքր մանրուքները՝ վճարման գործընթացը, հեռախոսի անվճար լիցքավորման հնարավորությունը և սեղանին առաջին պատվերը արագ ընդունելը։ Երեք պարզ պահանջ, որոնք կարող են էապես փոխել սպասարկման որակը, բայց Հայաստանում դեռևս հաճախ անտեսվում են։

Վիրահատությունների և անզգայացումների թվի կրկնակի աճին նպաստել է նաև Առողջության համընդհանուր ապահովագրության (ԱՀԱ) ծրագրի ներդրումը։ Ծրագրի շրջանակում քաղաքացիների համար բժշկական ծառայությունների հասանելիությունն ավելի է ընդլայնվել, ինչի արդյունքում Գորիսի ԲԿ-ում ևս ավելացել է բուժօգնության դիմողների և իրականացվող միջամտությունների թիվը։

«Կրթական էքսպո-2026»-ի շրջանակում «Ամենահետաքրքիր նախագծային աշխատանք» անվանակարգում ներկայացվել է 8-րդ դասարանի աշակերտների նախախագծային աշխատանքը՝ «Բյուրեղները՝ որպես տեխնոլոգիական առաջընթացի հիմք» թեմայով։ Նախաձեռնությունը հնարավորություն է տվել սովորողներին ներկայացնել իրենց գիտելիքներն ու հետազոտական աշխատանքը ավելի լայն լսարանի։

Գորիսում անցկացված օգոստոսյան խորհրդակցության և «Կրթական էքսպո-2026»-ի ընթացքում ներկայացվել են Սյունիքի դպրոցների լավագույն նախաձեռնություններն ու նորարարական կրթական փորձը։ Միջոցառմանը Գորիսի թիվ 1, Լորի և Եղվարդի թիվ 1 դպրոցները ներկայացրել են «Ակսել Բակունց. մարդը և գրողը ճակատագրի խաչմերուկներում» միջհամայնքային և միջմարզային համագործակցային նախագիծը։

Սյունյաց և Վայոց ձորի թեմերի առաջնորդ Մակար եպիսկոպոս Հակոբյանը ծննդյան տարեդարձի առթիվ շնորհավորական ուղերձ է հղել Վեհափառ Հայրապետին՝ մաղթելով քաջառողջություն, երկար կյանք, զորություն և համբերություն՝ Հայոց Եկեղեցու ու հավատավոր ժողովրդի հոգևոր ծառայությունը շարունակելու համար։

Գորիսի պետական համալսարանում ամփոփվել է մանկավարժահոգեբանական և ուսումնամեթոդական հմտություններ զարգացնող եռամսյա ծրագիրը։ Դասընթացը հաջողությամբ ավարտած 11 մասնակիցներ վկայականներ են ստացել՝ հինգ առարկայական ուղղություններով՝ պատրաստվելով իրենց հետագա մասնագիտական գործունեությանը դպրոցում։

Նախադպրոցական տարիքի երեխաների համար նոր ուսումնական տարին հատկապես սպասված ու հուզիչ փուլ է։ Այդ կարևոր մեկնարկին ընդառաջ՝ Տաթև համայնքի ղեկավար Սամվել Լալայանի կողմից համայնքի նախադպրոցական տարիքի երեխաներին հանձնվեցին դպրոցական պայուսակներ և անհրաժեշտ գրենական պիտույքներ։