Ընտրված նյութեր ֊ Գորիս

Ջերմ ժպիտներ, գունավոր փուչիկներ, ծաղիկներ ու տոնական տրամադրություն․ այսպիսին էր սեպտեմբերի 1-ը Գորիս համայնքի մանկապարտեզներում։ Գիտելիքի և դպրության տոնի կապակցությամբ մանկապարտեզներում տիրում էր տոնական ու ջերմ մթնոլորտ, քանի որ օրվա խորհուրդը կարևոր է նաև ամենափոքրիկների համար։

Նոր ուսումնական տարին նոր նպատակների, գիտելիքների, ձեռքբերումների ու գեղեցիկ երազանքների սկիզբ է։ Սիրելի՛ աշակերտներ, թող դպրոցական յուրաքանչյուր օրը ձեզ համար լինի հետաքրքիր ու հիշարժան, իսկ ձեր աշխատասիրությունն ու ձգտումը՝ նոր հաջողությունների գրավական։

Սիրելի՛ աշակերտներ, անխախտ պահեք կրթության հիմնասյուները, լցվեք գիտությամբ, լի եղեք գիտելիքներով, հմտորեն անցեք կյանքի մեկանգամյա ճանապարհը և ձեզ վիճակված լաբիրինթից դուրս եկեք հղկված ու մշակված: Կրթությունը չի նախապատրաստում կյանքին, կրթությունն ինքնին կյանքն է: Իսկ առանց կրթության դուք թևեր չունեցող թռչուն եք:

Այսօր ծննդյան օրն է մեր թատրոնի դերասան Միքայել Մաշուրյանի։ Թատրոնի անձնակազմը ջերմորեն շնորհավորում է դերասանին՝ մաղթելով քաջառողջություն, երկար տարիների կյանք, ստեղծագործական եռանդ և նորանոր մասնագիտական հաջողություններ։

Հպարտությամբ պետք է արձանագրել, որ Գորիսը տարիներ շարունակ կրթության, մշակույթի ու գիտության հարուստ ավանդույթներ ունեցող համայնք է։ Մեր աշակերտների և ուսանողների հաջողությունները հանրապետական ու միջազգային մրցույթներում, օլիմպիադաներում և տարբեր կրթական ծրագրերում դրա լավագույն վկայությունն են։

Վերջին 5 տարիների ընթացքում Գորիսի բժշկական կենտրոնի հեմոդիալիզի բաժանմունքում բուժառուների թիվը 12-ից հասել է 33-ի։ Բուժման հասանելիության և կյանքի որակի բարելավման շնորհիվ նվազել է նաև մահացության ցուցանիշը։ Գորիսի ԲԿ-ի հեմոդիալիզի բաժանմունքի աշխատանքը կարևոր նշանակություն ունի Սյունիքի բնակիչների համար՝ ապահովելով անհրաժեշտ բուժօգնության հասանելիությունն ու նպաստելով բուժառուների կյանքի որակի պահպանմանն ու բարելավմանը։

«Սմարթ-էկրաններ Աշխարհացույցի դպրոցներին 2026» ծրագրի շրջանակում Հալիձորի միջնակարգ դպրոցի աշակերտները հանդիպել են Տաթև համայնքի ղեկավար Սամվել Լալայանի հետ։ Քննարկվել են համայնքի հանքային ջրերի և բնական աղբյուրների պահպանության, ինչպես նաև ջրային ռեսուրսների արդյունավետ օգտագործման հարցերը։

Տաթև համայնքի Շինուհայր բնակավայրից վերև գտնվող ծաղկադաշտերում բռնկված հրդեհի դեմ պայքարին Գորիսի հրշեջ-փրկարարական ուժերին միացել է նաև Տաթև համայնքի հրշեջ մեքենան։ Փրկարարական աշխատանքներն իրականացվում են համատեղ ուժերով՝ կրակի տարածումը կանխելու և հնարավոր վնասները նվազեցնելու նպատակով։

Հիմնադրամի գիտական, հետազոտական և հրատարակչական ծրագրերի մասնագիտական ապահովման նպատակով ձևավորվել և հաստատվել է գիտական խորհրդի կազմը։ Խորհրդում ընդգրկվել են գրականագետներ, բանասերներ և գիտակրթական ոլորտի ներկայացուցիչներ։

Սեպտեմբերի 5-ին Գորիսի Մշակույթի տան դահլիճում կկայանա գորիսեցիների կողմից ստեղծված «Բեռ» կարճամետրաժ ֆիլմի հանրային պրեմիերան։ Ֆիլմն առանձնանում է նրանով, որ ամբողջությամբ նկարահանված է Գորիսի բարբառով։