Ընտրված նյութեր ֊ Հայաստան

Քաղաքական գնահատականներում շարունակվում են քննարկումները Արցախի հարցի, ինչպես նաև Հայաստանի ինքնիշխան տարածքների շուրջ ստեղծված իրավիճակի վերաբերյալ։ Հրապարակման հեղինակն անդրադարձել է ադրբեջանական վերահսկողության տակ գտնվող տարածքների թեմային՝ պնդելով, որ հանրային դժգոհությունը ժամանակի ընթացքում կարող է ավելի ընդգծված դրսևորում ստանալ։

Սոցիալական հարթակներում կրկին լայն տարածում է գտել Գարեգին Նժդեհի «Կա մարդը, կա պատերազմը» խորագրով հայտնի հրապարակումը։ Տեքստում Նժդեհը անդրադառնում է մարդկության պատմության ընթացքում պատերազմի, ուժի, ազգային ինքնության և հայրենապաշտության գաղափարներին՝ ներկայացնելով իր փիլիսոփայական և քաղաքական դիտարկումները։

Tetrak Studio-ի հիմնադիրները ներկայացրել են հայկական և արցախյան առաջին պատկերապատումը՝ «Հավերժակ. Անավարտ կռիվ» վերնագրով։ Ստեղծագործությունը պատմում է Խացրայի և հերոս Հավերժակի մասին, որի կերպարը հիմնված է իրական արժեքների վրա։ Հեղինակները նշում են, որ պատկերապատումը հասանելի է «Զանգակ» և «Բուկինիստ» գրախանութների ցանցերում։

Կենտրոնական ընտրական հանձնաժողովը հայտարարել է, որ այն քաղաքացիները, ովքեր քվեարկության օրը չեն գտնվելու իրենց հաշվառման հասցեում, մինչև մայիսի 26-ի ժամը 14։00-ն կարող են դիմում ներկայացնել ՆԳՆ Միգրացիայի և քաղաքացիության ծառայություն։ ԿԸՀ-ն ընդգծել է, որ ընտրողների ցուցակների վարումը գտնվում է հենց այդ կառույցի լիազորությունների շրջանակում։

ԳՄՍ նախարարությունից ստացված տվյալներ՝ ըստ որոնց 1998-2008 թվականներին շահագործման է հանձնվել 152 դպրոց, իսկ 1997 թվականի տվյալներով՝ ևս 9-ը։ Հեղինակը համեմատում է տարբեր ժամանակաշրջանների կրթաշինական ցուցանիշները և անդրադառնում ներկայիս կառավարության խոստացած ու իրականացված ծրագրերին, ինչպես նաև դպրոցների օպտիմալացման գործընթացին։

Վատ է տարիներ շարունակ դրանք չանելն ու միայն նախընտրական շրջանում, ընտրություններից 10 օր առաջ անելը։ Այո՛, վատ է։ Դա նախընտրական անհավասարություն է։ Դա վարչական հնարավորություններով նախընտրական կամպանիայում առավելություն ստանալ է։ Դա ընտրական պրոցեսների անարդար անցկացում է։

Ինչ որ տեղ ինձ զարմացրել էր այն փաստը, որ Նիկոլ Փաշինյանը ներողություն խնդրեց արցախցի կնոջից, արցախցիներին «թռածներ» անվանելուց հետո։

Վերջերս ես կարծես հասկացա․ չէ՞ որ Արցախ կոչվող նավից առաջինը թռավ հենց նավապետը՝ ի դեմս Նիկոլ Փաշինյանի։
Եվ «թռածը» հենց ինքն էր ու իրեն սատարողները։

Եվ «Արցախից» թռնելը հենց իր(ենց) կողմից խրախուսվող հարցի միակ լուծումն է։

Արցախցիներին «թռած» անվանելը նշանակում է սադրել եւ դրդել նրանց պայքարել Արցախի համար։

Իսկ դա հակասում է առաջին հերթին իր «թռած» քաղաքականությանը, որին անվանում է «խաղաղություն»։

Դրա համար էլ ներողություն խնդրեց։

Սյունիքի քաղաքական իրականության վերաբերյալ հրապարակված վերլուծությունում նշվում է, որ մարզում ընտրական նախապատվությունները հիմնականում ձևավորվում են անձնական կապերի, հեղինակության և տեղային ազդեցությունների հիման վրա։ Հեղինակը առանձնացնում է ինչպես իշխանական, այնպես էլ ընդդիմադիր դաշտի ազդեցիկ դերակատարներին՝ գնահատելով առաջիկա պայքարը գրեթե հավասար։

«Սյունյաց երկիր»-ի խմբագիր Սամվել Ալեքսանյանը բաց նամակով դիմել է վարչապետ Նիկոլ Փաշինյանին՝ պահանջելով հաշվետվություն ներկայացնել Սյունիքի անվտանգությանը, սահմանային իրավիճակին, ժողովրդագրական խնդիրներին, «Թրամփի ուղու» նախագծին, օկուպացված տարածքներին և մարզի սոցիալ-քաղաքական վիճակին առնչվող հարցերի վերաբերյալ։

2019 թվականից իրականացված օրենսդրական փոփոխություններով Հայաստանում կարգավորվել է ինտերնետ տոտալիզատորների գործունեությունը՝ հնարավորություն տալով նաև ծրագրային ապահովման և գործակիցների կառավարման ոլորտում գործունեություն ծավալել։ Դա նպաստել է, որ մարդիկ սկսեն հեշտության օգտվել օնլայն կազինոներից։ Արդյունքում տասնյակ հազարավոր մարդիկ նստել են «ղումարի» վրա։