Գորիսի մանկապարտեզների փոքրիկները սովորում են խոհարարական արվեստ
Գորիս համայնքի մանկապարտեզներում շարունակվում են հետաքրքիր բաց պարապմունքների շարքը։ Այս անգամ Վազգեն Սարգսյանի անվան թիվ մեկ մանկապարտեզի փոքրիկները դարձել են խոհարարներ և սովորում են բանջարեղենով աղցան, թթուներ պատրաստել։
Պարապմունքի ընթացքում երեխաները ծանոթանում են տարբեր բանջարեղենների հետ, սովորում են դրանց անունները, իմանում օգտակար հատկությունների մասին։ “Փոքրիկ խոհարարների” դասը միավորում է և՛ խաղը, և՛ ուսուցումը՝ դարձնելով ճանաչողական գործընթացն առավել հետաքրքիր ու արդյունավետ։
Նման պարապմունքները նպաստում են երեխաների մոտ առողջ սննդի նկատմամբ հետաքրքրության ձևավորմանը։
Բաց պարապմունքների նման ձևաչափը շարունակական բնույթ է կրում Գորիսի մանկապարտեզներում՝ նպաստելով նախադպրոցական կրթության որակի բարձրացմանը և երեխաների բազմակողմանի զարգացմանը։
