Մեր օրերում ավելի առարկայական է հնչում՝ «խաղաղություն ես ուզում՝ պատրաստվիր պատերազմի» գաղափարը…
…«21-րդ դար, քաղաքակիրթ աշխարհ»… այս ձեւակերպումները միամիտների համար ննջանյութ են…
Վերջին շրջանում պատերազմների բնույթն իրենց դաժանությամբ եւ ցինիզմով գերազանցում է մարդկության պատմության ավելի վաղ շրջանի բազմաթիվ պատերազմները միասին վերցրած…
Այսօր մարդկությունը ուղիղ եթերով եւ իրական ժամանակում տանը նստած հետեւում է, թե ինչպես են մի քանի կիլոմետր այնկողմ իր նմանին մորթում, եւ, որպես կանոն, որեւէ ապրումակցում չունի կատարվողի հանդեպ, այլ դրան վերաբերվում է իբրեւ օրաթերթային հերթական նորություն եւ անցնում առաջ…
Այսօր, առավել քան առարկայական է հնչում պատերազմին մշտապես պատրաստ լինելու դարավոր եւ պարզ բանաձեւը…
Իսկ բնակչության գլխի տակ կեղծ խաղաղասիրական փափուկ բարձ դնողները մեր թշնամիներն են… Սա հստակ պետք է գիտակցել, եւ վարվել այդ մարդկանց հետ այնպես, ինչպես վարվում են թշնամու հետ…
Այլապես պատերազմը կդիմավորենք ոչ թե սահմանին՝ զենքով, այլ մեր տներում՝ քնած…
