Բարեկարգվում է Քարահունջի մանկապարտեզ տանող ճանապարհը

Գորիս համայնքի ղեկավար Առուշ Առուշանյանի հանձնարարությամբ իրականացվում են Քարահունջ գյուղի մանկապարտեզ տանող ճանապարհի բարեկարգման աշխատանքները:

Նախկինում անբարեկարգ վիճակում գտնվող հողային ճանապարհն արդեն իսկ հարթեցվել է և ծածկվել խճով: Այս աշխատանքների շնորհիվ էականորեն բարելավվել է ճանապարհի անցանելիությունը, ինչը հատկապես կարևոր է մանկապարտեզ հաճախող երեխաների և նրանց ծնողների համար։