Սիրելի՛ հայրենակիցներ, պատվարժան սպաներ, գեներալներ, Հայաստանի ինքնիշխան և անկախ Հանրապետության սահմանը հսկող քաջ Զինվորներ,
Այսօր Հայաստանի Հանրապետության Անկախության օրն է, 33-րդ տարեդարձը:
Անկախության ձեռքբերումը շրջադարձային եղավ հայոց նորօրյա պատմության համար, քանզի այն բացառիկ հնարավորություն է ստեղծել մեզ համար` ազատ և ինքիշխան ճանապարհով զարգացնելու մեր Հայրենիքն ու ամրացնելու նրա սահմանները։
Պետությունն ամենաթանկն է ազգային արժեհամակարգում, ուստի պետք է ազգովի անենք անհնարինը` հզորացնելու մեր պետության սահմաններն ու զարգացնելու տնտեսությունը։
Մեծ հարգանքով և անասելի պատվով խոնարհվում ենք հերոսածին մայրերի առջև, քանզի նրանք մեր պետականությանն են տվել իրենց լավագույններին։
Ինչպես 1991 թվականին, այնպես էլ այսօր, մեր ազգի գլխավերևում կախված է լինել-չլինելու հարցը, հետևաբար այդ հանգամանքը պետք է պարտավորեցնի մեզ` ձեռք բերելու անհաղթահարելի ուժ և բանիմացություն, արյամբ վաստակած և պահպանած հողը պետականաշինությամբ ամրագրելու և վավերացնելու միջազգային բոլոր հարթակներում։
Մենք մեր պետության Զինվորներն ենք ու պատրաստ ենք պաշտպանելու մեր պետությունն ու անկախությունը…
Շնորհավոր սեպտեմբերի 21…
