Սյունիքի մարզպետի տեղակալ Նարե Ղազարյանը և խորհրդական Նվարդ Հարությունյանը մարզպետ Ռոբերտ Ղուկասյանի հանձնարարականով այսօր հանդիպել են ԼՂ-ից բռնի տեղահանված ու Սիսիան համայնքում բնակություն հաստատած մեր հայրենակիցների հետ։

Հանդիպման ընթացքում նրանք տեղահանվածների հետ քննարկել են մտահոգող խնդիրները, արձանագրել այն հարցերը, որոնք լրացուցիչ ուսումնասիրման կարիք ունեն, խոսել պետական աջակցության ծրագրերի, ինչպես նաև համայնքում բնակվող այս քաղաքացիների հետ մշտապես փոխադարձ կապ պահպանելու տարբերակների մասին։

Հանդիպումները պարբերական բնույթ են կրում ու կշարունակվեն մյուս համայնքներում։