Գորիսի ԲԿ֊ի Անհետաձգելի բուժօգնության բաժանմունքի մեկ օրվա քրոնիկոն

Այսօր վաղ առավոտից Գորիսի ԲԿ֊ի անհետաձգելի բուժօգնության բաժնում բուժառուների հոսքը չէր դադարում։ Թե շտապօգնության կայանի և թե սեփական միջոցներով ԲԿ էին տեղափոխվել վթարից, ուղեղային կաթվածից, վիրուսներից, շան կծածներից, սրտային և այլ տարբեր հիվանդություններից տուժածներ։

ԲԿ֊ի գրեթե բոլոր բաժանմունքներից բժիշկներն ամեն մեկն իր պրոֆիլով ցուցաբերում էին առաջին բուժօգնություն և ուղարկում համապատասխան հետազոտությունների։

Համակարգված աշխատանքների շնորհիվ Անհետաձգելի բուժօգնության բաժանմունքում ամեն օր կյանքեր են փրկվում։