118 Views
Խնձորեսկ բնակավայրի բնակիչների համար ուրախալի լուր ունենք։ Բնակավայրի մանկապարտեզի նորոգման աշխատանքներն արդեն մոտենում են ավարտին: Շուտով փոքրիկները հնարավորություն կունենան հաճախել մանկապարտեզ` վայելելով հարմարավետ և ժամանակակից պայմաններ:
Նորոգման աշխատանքներն իրականացվում են Փարոս հիմնադրամի ֆինանսավորմամբ: Բացի այդ, Focus on Children կազմակերպության աջակցությամբ նախատեսվում է նաև արդիականացնել մանկապարտեզի ամբողջ գույքը` ապահովելով երեխաների համար անհրաժեշտ բոլոր պարագաները:
Համոզված ենք, որ վերանորոգված մանկապարտեզը կդառնա Խնձորեսկի երեխաների սիրելի վայրը, որտեղ նրանք ոչ միայն կստանան որակյալ նախադպրոցական կրթություն, այլև կանցկացնեն իրենց ժամանակը` շրջապատված հոգատարությամբ ու սիրով:
