Այս դժվարին օրերը հաղթահարված են Գորիսի մի շարք լավագույն բժիշկների կողմից։
Ասում են՝ բժշկությունը սոսկ մասնագիտություն չէ․ այն նվիրում է։
Անկախ նրանից, թե ինչ իրավիճակում է կատարում իր գործը կամ ինչ նեղ մասնագիտացում ունի նա, պացիենտը զգում է ու տալիս իր գնահատականը։
Իրենց գործին նվիրված, հասարակության շրջանում մեծ հարգանք ու հեղինակություն վայելող բժիշկների մասին շատ է գրվել, եւ առավել քան համոզված եմ, որ հիվանդ եւ օրհասական վիճակում հայտնված մարդկանց կյանք ու առողջություն պարգեւող բժիշկների մասին դեռ էլի ու էլի կգրվի, քանի դեռ ապրում է մարդը, քանի գոյություն ունի մարդկությունը:
Բժշկի կոչումն առաջին հերթին հիվանդի կողքին լինելն է, դեղորայք ու տարաբնույթ սարքավորումներ կիրառելուց բացի, նաեւ ջերմ, բարի եւ հուսադրող խոսքով սատարելը:
Եվ ինձ հաջողվել է ճանաչել նման պրոֆեսիոնալ և գրագետ բժիշներին։
Ուզում եմ շնորհակալություն հայտնել Գորիսի պոլիկլինիկայի ( Գորիսի Բժշկական Կենտրոն Goris Medical Center ) բժշկական անձնակազմին, հանձնինս՝ բժիշկներ՝ Կարինե Հայրապետյանին, Սիլվա Ամիրյանին և բաժնի վարիչ՝ Սոֆյա Մաթևոսյանի, մասնագիտական պրոֆեսիոնալ հմտությունների և պացիենտին շուտ և ճիշտ ուղորդելու համար։
Իսկ հիմա իմ անչափ մեծ շնորհակալությունը և երախտիքիս խոսքը ունեմ ասելու Գորիսի Ֆրանս-Հայկական Սրտանոթային կենտրոնի ( Centre Cardiovasculaire Franco-Arménien Goris) բժիշկներ Սոս Վահագնի Պետրոսյանին ( Sos Petrosyan )և Էդվարդ Արմենի Դանելյանին (Edvard Danielyan )՝ մարդկային, գրագետ և պրոֆեսիոնալ վերաբերմունքի համար։ Մեծ ձեռքբերում էր, որ այս դժվարին իրավիճակում հնարավորություն ունեցանք ճանաչելու Ձեզ նման լավ և պրոֆեսիոնալ մասնագետներին: Շնորհակալ եմ Ձեզ մարդկային բարձր առաքինությունների եւ պրոֆեսիոնալիզմի համար։ Քիչ է պատահում, երբ լավ մասնագետը նաեւ հոյակապ մարդ է եւ չափազանց հոգատար անձնավորություն…
Ձեզ նման մասնագետների կարիքը շատ ունենք Գորիսում։
Նաև շնորհակալություն Գորիսի Ֆրանս-Հայկական սրտանոթային կենտրոնի ( Centre Cardiovasculaire Franco-Arménien Goris ) ամբողջ թիմին, այս օրերին իրենց հոգատար և ջերմ վերաբերմունքի համար։
