ՄԱԶԾ «Կայուն համայնքներ» ծրագրերը կրկին հայտարարում են «Չիր-Չիր» նախագիծը, որը միտված է չրարտադրության համար նախատեսված գույքի և մասնագիտական կարողությունների ներդրմամբ տնտեսություններում բնական եղանակով չորացված պտուղ–բանջարեղենի արտադրական ծավալների ավելացմանը, որն իր հերթին կապահովի լրացուցիչ եկամուտ։ Այս անգամ մասնակցել կարող են Արարատ, Արմավիր, Արագածոտն, Կոտայք, Վայոց Ձոր, Գեղարքունիք և Սյունիք մարզերում բնակվող տնայնագործ չրագործները:
Նախագծին մասնակցնելու համար հարկավոր է նախօրոք գրանցվել այստեղ` https://form.jotform.com/SustainableCommunities/–ChirChir
և լրացնել հայտը անցնելով այս հղմամբ՝ https://drive.google.com/file/d/1btFVxICY2Ko8wD4vAJ7UGHsdSjQPJVv2/view
Նախագծի շրջանակում «Կայուն համայնքներ» ծրագրերի կողմից տրամադրվելու է.
երկօրյա վերապատրաստման դասընթաց (տեսական, գործնական)
մասնագիտական խորհրդատվություն,
տակդիր ցանցեր։
Նախագիծն իրականացվելու է մրցութային երեք փուլերով և քայլերի հետևյալ հաջորդականությամբ.
Հայտերի ընդունում,
Գործնական դասընթացի մասնակցություն,
Ծրագրի փուլերը հաղթահարած շահառուներից երեք լավագույն տնտեսությունների ընտրություն՝ մրցութային հանձնաժողովի կողմից:
Ցանկանում ենք նշել, որ դասընթացների անցկացման օրերի ու ժամերի վերաբերյալ տեղեկատվությունը կտեղադրենք հավելյալ հրապարակման միջոցով: Այս փուլում դեռևս իրականացվում է հայտերի ընդունման ընթացակարգը:
Հայտերի ընդունման վերջնաժամկետն է՝ մարտի 14-ը ժամը 18:00-ն:
Հարցերի դեպքում կարող եք զանգահարել աշխատանքաին օրերին (երկուշաբթիից-ուրբաթ) ժամը 10:00-ից մինչև 17:00 հետևյալ հեռախոսահամարով՝ +374 96 439323:
Նախաձեռնությունն իրականացվում է ՄԱԶԾ «Կայուն համայնքներ» ծրագրերի «Արարատ, Արագածոտն, Արմավիր և Կոտայք մարզերի գյուղական համայնքների բնականոն կյանքի վերականգնում դիմակայունության ամրապնդման միջոցով» ծրագրի շրջանակում, որը ֆինանսավորվում է Ռուսաստանի Դաշնության կողմից և իրականացվում ՀՀ տարածքային կառավարման և ենթակառուցվածքների նախարարության հետ համատեղ:
Աղբյուրը`
