Ֆրանսիան չի ճանաչում ԼՂ անկախությունը. սա համապատասխանում է միջազգային իրավունքին, որին ենթարկվում ենք. Ֆրանսիայի ԱԺ նախագահ

Ինչպես գիտեք և Ֆրանսիայի Սենատը, և Ազգային ժողովը ընդունել են բանաձևեր դատապարտելու Արցախի շրջափակումը, Լաչինի միջանցքի փակումը և Ադրբեջանի ագրեսիան Հայաստանի սահմաններին։ Այս մասին Ազգային ժողովում ԱԺ նախագահի հետ հանդիպումից հետո լրագրողների հետ ասուլիսի ժամանակ ասաց Ֆրանսիայի ԱԺ նախագահ` Յաել Բրաուն-Պիվեն։

Հարցին՝ հաշվի առնելով, որ Ֆրանսիայի Սենատը Հայաստանին աջակցող բանաձև է ընդունել, որում նաև կոչ է արել ճանաչել Արցախի անկախությունը, չի պատրաստվում արդյոք Ֆրանսիան անել առաջին քայլը և ճանաչել Արցախի անկախությունը, Ֆրանսիայի ԱԺ նախագահը պատասխանեց.

«Ինչ վերաբերում է ԼՂ անկախության ճանաչմանը, դուք ճանաչում եք Ֆրանսիայի դիրքորոշումը և այսօր Ֆրանսիան չի ճանաչում այդ անախությունը, սա համապատասխան է միջազգային իրավունքին, որին ենթարկվում ենք»։