Սա է այսօրվա աշխարհակարգի իրական էությունը և սա է հնչեղ անուն ունեցող և առավել հնչեղ առաքելություն ունեցող ՅՈՒՆԵՍԿՕ-ն՝ մշակութային ժառանգության պահպանման համաշխարհային կազմակերպությունը: ՅՈՒՆԵՍԿՕ-ի Զինված բախումների ընթացքում մշակութային արժեքների պաշտպանության կոմիտեի 2021 թվականի դեկտեմբերի 2-3-ը Փարիզում տեղի ունեցած անդամ-պետությունների 16-րդ հանդիպմանը Ադրբեջանը 4 տարով ընտրվել է Կոմիտեի անդամ:
Դե եկ ու հավատա միջազգային կառույցներին, եկ ու լուրջ ընդունիր նրանց իսկ կողմից հռչակած սկզբունքները: Պատկերացնու՞մ եք, ընդամենը մեկ տարի առաջ Ադրբեջանն այդ համաշխարհային կազմակերպության աչքի առաջ տարբեր զինատեսակներով, նպատակադրված ավերում էր հայկական մշակութային արժեքները, իսկ այսօր ընտրվում է Զինված բախումների ընթացքում մշակութային արժեքների պաշտպանության կոմիտեի մեջ:
Այլևս զարմանալն անիմաստ է, եթե վաղը կամ մյուս օրը Ալիևին ու Էրդողանին շնորհեն խաղաղության Նոբելյան մրցանակ․․․ Դե եկ ու մի խելագարվիր․․․