Նիկոլը Լիտվայի հայ համայնքի ինչ որ համբալների հավաքել, ջան ասում, ջան լսում են։ Մի կողմում հայրենիքը թողած-թռածներն են, մյուս կողմում՝ էդ հայրենիքը հանձնածը։ Ու էս երկու սուբյեկտները որոշել են, որ բարոյական իրավունք ունեն քննարկելու, թե ինչի Շուշիում բնակելի շենք չի կառուցվել։

Շուշին թուրքին նվիրածը չի խոսում, թե ոնց 30 տարի իր հոգևոր հոր հետ պայքարեց Արցախի ու արցախցիների դեմ, չի խոսում, թե ոնց հանձնեց բերդքաղաքը, փոխարենը հիշել ա, որ 30 տարի ԲՆԱԿԵԼԻ շենք չի կառուցվել։ Սա շեշտը դրել ա հենց բնակելի շենքի վրա, որովհետև լիքը այլ շենքեր Շուշիում կառուցվել ու վերակառուցվել են, սեփական տներ կառուցվել են։ Բնակելի չի կառուցվել, որովհետև դրա անհրաժեշտությունը չի եղել։ Ու հարցնում ա՝ «բա մեկդ հարց չի տալիս, ինչի չի կառուցվել, ինչնա պատճառը որ չի կառուցվել»։ Ու հայ համայնքի համբալներից մեկը վռազ պատասխանում ա՝ «համարվել ա որպես ադրբեջանական»։ Դե թուրքին էլ էտ ա պետք, վռազ պեչատը խփում ա՝ «Վերջ, ակնհայտ ա պատասխանը»։

Նկարում Շուշին ա 2004 ու 2020 թվականին։ 2020 թվականի նկարը մինչպատերազմական շրջանի է։ Նայեք շենք-շինություններին ու ասեք՝ իրո՞ք նախկինները Շուշին համարել են ադրբեջանական ու ոչ մի բան չեն կառուցել, թե՞ Լիտվայի համբալներն ու Շուշին հանձնողը հերթական մանիպուլյացիան են անում։