Գորիսում ներքաղաքական դաշտում կատարվող իրադարձությունների ֆոնին մի կարեւոր նկատառում ունեմ։Մի քանի օր առաջ գրել էի որ առաջիկա ընտրություններում սատարում եմ Առուշ Առուշանյանին եւ առանձնացրել 5 կետ։ Բայց նշել էի մասնավորապես նաեւ այն, որ բոլոր քաղաքական թեւերում ունեմ հարազատներ, ընկերներ։ Սա շատ կարեւոր է որ բոլորս ֆիքսենք։
Անկախ քաղաքական հայացքներից, կողմնորոշումից, առանցքային է, որ թույլ չտանք պառակտում եւ ատելություն մտնի մեր քաղաք։ Էն անվտանգ Գորիսը, որի մասին խոսում ենք բոլորս, հնարավոր է միայն միասնականությամբ եւ «կարմիր գծերը» չանցնելով։ Ի վերջո մենք ունենք ընդհանուր թշնամի, թուրքը, որը զինված կանգնած է մեր տարածքներում։Կո՛չ եմ անում դադարեցնել հրապարակումների տակ վիրավորական մեկնաբանությունները։ Կարելի է գնալ սուր քննարկումների, բարձրացնել ցավոտ հարցեր, ի վերջո քաղաքական պայքար է։ Բայց հրապարակային «կեղտոտ բերաններ»֊ի մշակույթը մեր քաղաք բերելն անթույլատրելի է։
Դա մե՛րը չէ։ Դա գորիսեցուն սազական չէ։Մենք փոքր բայց հին քաղաք ենք եւ ավելի քան 2 դար է գիտենք իրար եւ շարունակելու ենք դարերով ապրել մեր քաղաքում։
Մեր երեխաներ, թոռներն էլ են շարունակելու ապրել իրար հետ մեր քաղաքում։ Վտանգավոր, պառակտողական ագրեսիա եմ տեսնում, որը կանգնեցնել է պետք։ Թերեւս դա լինի քաղաքական դեբատ կազմակերպելու միջոցով։ Բայց սրա դեմն առնել է պետք։
