Գորիս-Կապան ճանապարհի 21-կիլոմետրանոց հատվածն Ադրբեջանին հանձնելով ու ռազմավարական նշանակության հայրենի այդ հողակտորը քանիցս ադրբեջանական սուվերեն տարածք անվանելով՝ ՀՀ փաշինյանական վարչախումբը վերջնականապես բացահայտում է իր կոլաբորացիոնիստական էությունն ու դիրքավորվում էրդողանա-ալիևյան խրամատներում։
Թշնամու շահերը վճռորոշ (հողային) հարցերում սպասարկելու իր անզուսպ քայլերով փաշինյանական խունտան լուծում է մի շարք հիմնարար հակահայկական խնդիրներ, այդ թվում՝
• նենգափոխում է պատմական ու վարչա-աշխարհագրական փաստերը հոգուտ միջազգային ասպարեզում իրականացվող թուրք-ադրբեջանական կեղծարարության ու ցեղասպանամետ քարոզչության,
• նսեմացնում ու վարկաբեկում է ցեղասպան զավթիչների դեմ վերջին մեկուկեսդարյա հայոց ազգային-ազատագրական պայքարը, նրա մարտական պատմությունը, գաղափարախոսությունն ու հոգեբանությունը,
• բթացնում է հայոց մեջ առողջ ինքնապաշտպանական բնազդը,
• մոռացնել է տալիս չլուծված Հայկական հարցի հողային բնույթը,
• թուլացնում ու զինաթափում է ազգի դիմադրական ոգին,
• անարգում է թուրք ցեղասպանների դեմ մարտնչած մեր հերոսների ու միլիոնավոր նահատակների հիշատակը,
• ժխտում է Արցախյան առաջին, երկրորդ և երրորդ պատերազմների կենսական անհրաժեշտությունն ու արդար իմաստը,
• ականապատում է Հայաստան պետության ներկան և ապագան,
• հայաստանաբնակ հայությանը զրկում է անվտանգության տարրական երաշխիքներից ու դատապարտում հայրենազրկման,
• նախապատրաստում է Հայաստանի Հանրապետության վերացումը աշխարհի քաղաքական քարտեզի վրայից։
Կոլաբորացիոնիստների իշխանությունը նշանակում է ԱՆԱՊԱԳԱ ՀԱՅԱՍՏԱՆ։
Ուստիև՝ այդ իշխանությունն ինքը ՀԱՅԱՍՏԱՆՈՒՄ ԱՊԱԳԱ ՉՈՒՆԻ ՈՒ ՉԻ ԿԱՐՈՂ ՈՒՆԵՆԱԼ։