Այս տարվա մայիսի վերջի դրությամբ Չինաստանում էներգիայի նոր աղբյուրներով աշխատող մեքենաների առկա թիվը հասել է 5,8 միլիոն միավորի, ինչը ամբողջ աշխարհում նման մեքենաների ընդհանուր թվի մոտ կեսն է, գրում է Senhua-ն՝ հղում անելով Չինաստանի ավտոմոբիլային արդյունաբերության ասոցիացիայի տվյալներին։

Նման մեքենաների վաճառքը Չինաստանում 2021 թվականի առաջին հինգ ամիսներին հասել է 950 000 միավորի, ինչը 3,2 անգամ ավելին է, քան նախորդ տարվա նույն ժամանակահատվածում: Էներգիայի նոր աղբյուրներով ավտոմեքենաների ներթափանցման մակարդակը շուկա հասել է 8,7%-ի` պահպանելով աճի ուժեղ դինամիկան, ինչպես ցույց են տվել տվյալները:

2021-ի ապրիլի դրությամբ ամբողջ հանրապետությունում կառուցվել է 65 000 լիցքավորման կայան, 644 մարտկոցի փոխարինման կայան եւ 1,87 միլիոն տարբեր տեսակի լիցքավորման սարքեր, ինչպես նաեւ՝ կառուցվել է մայրուղիների վրա արագ լիցքավորման ցանց, որն ընդգրկում է 176 քաղաք եւ ավելի քան 50 000 կմ ճանապարհներ:

Ըստ կանխատեսումների՝ առաջիկա հինգ տարիներին էլեկտրամոբիլների արտադրության ու վաճառքի աճի տեմպերը 40%-ից բարձր կմնան:

Էներգիայի նոր աղբյուրներով տրանսպորտային միջոցների թվին են պատկանում էլեկտրամոբիլները, միացվող մոդուլով հիբրիդային մոդելները եւ նույնիսկ ջրածնի վառելիքի տարրերով ավտոմեքենաները։

Աղբյուրը՝ news.am