Գևորգ Դանիելյանն իր ֆեյսբուքյան էջում գրել է.
Սպասում եմ այն օրվան, երբ գելյոտինի կենթարկվեն բոլոր ապազգային կրթական ծրագրերը և օրենքները, կրթությունը և գիտությունը, վերջապես, կընկալվեն իբրև Երկրի հզորացման հիմնասյուներ, և առանցքայինը կհամարվի ոչ թե ապօրինի եղանակով, ընդհուպ՝ գաղտնի որոշումներով պարգևավճար ստացող բարձրաստիճան պաշտոնյան, այլ կրթական համակարգի սպասավորը՝ ուսուցիչը և դասախոսը:
Հարկ է վերանայել 12-ամյա կրթությունը և դպրոցների դասակարգման անարդարացի համակարգը (բնակավայրեր կան, որոնցում չկան ավագ դպրոցներ, և քչերին է հուզում դրա հետևանքները), կրթությունը նպատակահարմար է դարձնել 10 տարի, պլուս ֆակուլտատիվ նախադպրոցական 1 տարի, ինչը կարելի է կազմակերպել նաև մանկապարտեզներում: Ուսման վարձը չի կարող, չպետք է խոչընդոտի որևէ երիտասարդի, իսկ դրա լուծման բազմաթիվ եղանակներ կան ….
