Գևորգ Դանիելյանն իր ֆեյսբուքյան էջում գրել է.
Կանխազգալով, որ նախընտրական քարոզչության ընթացքում իշխանությունների հասցեին հաճախ են հնչելու ակնհայտ ոչ հաճելի գնահատականներ, հապճեպ՝ դեռևս ս.թ. ապրիլի 28-ին ընդունված օրենքով, արդեն «բարի ավանդույթի» ուժով զուտ իրավիճակային փոփոխություններ կատարվեցին ՀՀ քրեական օրենսգրքում՝ սահմանելով խիստ պատասխանատվություն նախընտրական քարոզարշավի ժամանակ հավաք անցկացնելուն խոչընդոտելու համար: Սա, ինչ խոսք, հաշվի առնելով նաև կիրառողի իրավական դիրքորոշումները, անթաքույց հակասահմանադրական իրավական նորմ է: Հավանաբար, նախաձեռնության հեղինակները հույս են փայփայել, ինչն արդեն գործնականում է արձանագրվում, որ նախընտրական քարոզարշավի ժամանակ կազմակերպիչների քիմքին ոչ հարիր հայտարարություններ անելը, անկախ խոչընդոտելու փաստացի հանգամանքների առկայությունից, ինքնին բավարար կլինի այն, որպես հավաքն անցկացնելուն խոչընդոտել որակելու համար, ինչը ծայրահեղ նիհիլիզմ է: Ստացվում է, որ եթե նույն քաղաքացին էլ ավելի բարձր ձայնով ու առանց դադարի գովաբանի իշխանություններին, ապա չի խոչընդոտի, այլ բարոյական աջակցություն կցուցաբերի հավաքին՝ «երկաթյա բոլշևիկյան տրամաբանություն» ….