Արշալույս Զուրաբյանի ֆեյսբուքյան էջում տեղեկություններ ենք գտնում սիրված հրամանատար Արտեմ Խանզադյանի մասին.
ԻՆՁ ԲԱՑԱԿԱ ՉԴՆԵՔ
Գորիսեցի Արտեմը (Արտեմ Խանզադյան) հայ ազատագրական պայքարի նվիրյալներից է, Դրոյի ու Նժդեհի կողմից սիրված հրամանատար։ Մասնակցել է Լեռնահայաստանի ու Արցախի պաշտպանության համար մղված տասնյակ մարտերի, մշակել ու իրականացրել փայլուն գործողություններ, կատարել ամենաբարդ հանձնարարություններ թշնամու թիկունքում։ 1921-ի հուլիսին մարտական ընկերների հետ Իրան չի հեռացել, մնացել է Գորիսում, որտեղ էլ ձերբակալվել է եւ երկար ժամանակ Չեկայի զնդաններում խոշտանգումների ենթարկվելուց հետո՝ աքսորվել Սիբիր։ 1933թ. դիմել է փախուստի և հազարավոր կիլոմետրեր կտրելով՝ մեծ դժվարություններով հասել հայրենի Սյունիք, ապա՝ անցել Իրան: Մահացել է Թեհրանում։ Ապրած կյանքի ու կռվի տարիներին գլխովն անցածի մասին գրել է հուշեր («Վկայություններ»): Հիշատակն արդարոց օրհնությամբ եղիցի։
