3 Views
Ռուսաստանն անհանգստացած է Թուրքիայի զինված ուժերի սարքավորումների տեղափոխմամբ և սիրիական Ռաքքա նահանգում ամրացման աշխատանքների կատարմամբ. ճեպազրույցում հայտարարել է Սիրիայում հակամարտող կողմերի հաշտեցման ռուսական կենտրոնի փոխծովակալ Ալեքսանդր Կարպովը։
«Ռուսական կողմը ծայրաստիճան անհանգստացած է Ռաքքա նահանգի Այն Իսա գյուղի տարածքում գտնվող հենակետերում թուրքական զինված ուժերի ռազմական տեխնիկայի տեղափոխման և ամրակայման կապակցությամբ: Այս գործողությունները խախտում են ստատուս քվոն և խարխլում երկու կողմերի ջանքերը սիրիական հակամարտության կարգավորման գործում»,- ասել է Կարպովը:
Նա հավելել է, որ վերջին 24 ժամվա ընթացքում Թուրքիայի կողմից վերահսկվող ապօրինի զինված կազմավորումների կողմից գնդակոծություն չի գրանցվել:
