Խնդրում եմ ուշադրություն
Ցավոք, վերջին օրերին համացանցում հայտնվել են տարբեր աղավաղումներ և շահարկումներ՝ կապված Սինգապուրի շուկա մեր կատարած արտահանումների հետ:
Մի հարց.
«Ի՞նչ կապ ունի Սինգապուր իրականացրած մեր արտահանումը ռուսական շուկայի արգելքի պատճառով փչացող գյուղմթերքի հետ»։
Կարդում եմ մեկնաբանություններ, թե
«Սինգապուրը չի փրկի մեզ», «Այդքան ապրանք չեք կարողանալու տանել Սինգապուր»…
Հարգելի մարդիկ, ո՞վ և ե՞րբ է նման բան ասել։
Ես երբեք չեմ հայտարարել.
Սինգապուրի շուկան փոխարինելու է Ռուսաստանի շուկային, կամ որ Սինգապուր են արտահանվելու այն բոլոր մթերքները, որոնք նախկինում արտահանվում էին Ռուսաստան։
Չէ´
Ես երբեք պոպուլիստական հայտարարություններ չեմ անում։
Ես խոսում եմ փաստերով և ցույց եմ տալիս մեր աշխատանքի արդյունքը, որի վրա աշխատել ենք շուրջ երկու տարի։
Իմ նպատակն է զարգացնել նոր շուկաներ՝ որպես այլընտրանքային արտահանման ուղղություն, որպես նոր հնարավորություն։
Ու եթե այս ամենը արվեր ժամանակին, համակարգված, այսօր այս խնդիրը չէինք ունենա…
Հիմա խոսում եք հարաբերությունների կարգավորման և նոր շուկաների մասին:
Խոսում եք, քանի որ ստեղծված իրավիճակում դա դարձել է թոփ թեմա:
Ես իմ գործնական քայլերը սկսել եմ տարիներ առաջ, հիմա ցույց եմ տալիս արդյունքները…
Այո՛, պատմության մեջ առաջին անգամ հայկական թարմ միրգն ու բանջարեղենը արտահանվել են Սինգապուր։
Սա իրական ձեռքբերում է:
Մենք ամեն րոպե աշխատում ենք, որ արտահանումը լինի շարունակական, թվերը շատանան, մնացածը ժամանակը ցույց կտա:
Ձեր գործը խոսելնա, խնդրեմ, խոսեք:
Բայց խնդրում եմ իմ մասով ձեր խոսքը կառուցեք առանց աղավաղումների:
Շնորհակալություն
