ԿԱՐԵՎՈ Ի՞նչ է սպասվում մոտակա ժամերին «Արտեմիս-2» պատմական առաքելության շրջանակում
Ժող ջան, «Օրիոն» տիեզերանավին ընդամենը հաշված ժամեր են մնացել Լուսնին մոտենալու և շրջանցումը իրականացնելու համար
Տիեզերանավն արդեն անցել է 382.000 կիլոմետր, իսկ Լուսնից հեռավորությունը 45.000 կիլոմետրից էլ քիչ է
Կարծում ենք, որ ճիշտ ժամանակն է ծանոթանալու այսօր և այս գիշեր սպասվող իրադարձությունների ժամանակացույցին ))
Դե, սկսեցինք
Երևանի ժամանակով 21:56-ին «Օրիոն» տիեզերանավը գերազանցելու է «Ապոլոն-13» տիեզերանավի` Երկրից հեռավորության ռեկորդը և չորս տիեզերագնացները դառնալու են մեր մոլորակից երբևէ ամենահեռուն հայտնված մարդիկ
22:15-ին «Օրիոն»-ը սկսելու է Լուսնի շրջանցումը
22:45-ին աստղագնացները սկսելու են Լուսնի դիտարկումները
02:44-ին «Օրիոն»-ը հայտնվելու է Լուսնի հակառակ կողմում, ինչի պատճառով կապը տիեզերանավի հետ շուրջ 40 րոպեով կորելու է
03:02-ին տիեզերանավը լինելու է Լուսնին ամենամոտ կետում` մոտ 6500 կիլոմետր հեռավորության վրա
03:07-ին «Օրիոն»-ը հայտնվելու է Երկրից ռեկորդային հեռավորության վրա` մոտ 406.700 կիլոմետր
03:25-ին աստղագնացները ականատես են լինելու «երկրածագին» կամ նրան, թե ինչպես է Լուսնի հետևից «ծիկ» անում մեր մոլորակը, ինչը նշանակելու է, որ Երկրի հետ կապը վերականգնված է
05:20-ին Լուսնի դիտարկումներն ավարտվելու են և սկսվելու է տիեզերանավի` Երկիր վերադարձի փուլը
Այս պահի դրությամբ այսքանը տիեզերականներ ջան, թարմացումների կամ «չվացուցակում» փոփոխությունների դեպքում անպայման տեղյակ կպահենք ձեզ
Եվ իհարկե, խնդրում ենք չմոռանալ հավանել և տարածել այս հրապարակումը
