Ճանապարհները տարան դեպի Սյունիք․ ՄԵՄ-ը մեկնարկեց «ԱպաԿենտրոն» հանդիպումների շարքը, որի առաջին կանգառը Գորիսն էր։
Փետրվարի 6-ին մեկ հարկի տակ հավաքվեցին 40-ից ավելի պատանիներ և երիտասարդներ Գորիս և Տաթև համայնքներից, ինչպես նաև Սյունիք տեղափոխված ու վերադարձած ավագ սերնդի ներկայացուցիչներ։
Օրվա ընթացքում՝
ՄԵՄ ՀԿ նախագահ Մայիս Մարգարյանը ներկայացրեց ՀԿ-ի գործունեությունն ու մարզաբնակ պատանիներին ընձեռվող հնարավորությունները,
Մարզ տեղափոխվածները կիսվեցին իրենց արկածային ու հետաքրքիր պատմություններով, որին հաջորդեց բաց հարց ու պատասխան և աշխույժ թեմատիկ քննարկում,
Միասին ծանոթացան «Տեսել եմ» հավելվածին ու նախանշեցին համայնքի զարգացմանն ուղղված առաջիկա անելիքներն ու առաջադրանքները,
Օրն ամփոփվեց մտերիմ զրույցներով և սերունդների միջև կարևոր կապերի հաստատումով։
Այս հանդիպումն իրականություն դարձավ Մայիս Մարգարյանի ծննդյան դրամահավաքի շնորհիվ, որի հաջող ավարտը կօգնի ՄԵՄ-ի շարունակական ու ակտիվ գործունեությանը Սյունիքում։ Դուք դեռ կարող եք միանալ և ձեր ներդրումն ունենալ սյունեցի պատանիների զարգացման գործում։
https://rearmenia.com/…/birthday-in-syunik%D6%89-an…
Շնորհակալ ենք բոլոր մասնակիցներին, խոսնակներին, գաղափարակից աջակիցներին, Հրանտ Բաղդագյուլյանի Արվեստանոցի թիմին կազմակերպչական հարցերում աջակցելու և տարածքի տրամադրման համար, Տաթևի Համայնքապետարան Tatev Municipality համայնքապետարանին՝ 20 երիտասարդների ուղևորափոխադրումը սիրով կազմակերպելու համար։
«ԱպաԿենտրոն» հանդիպումները շարունակական են․ սպասե՜ք մեզ հաջորդիվ հենց ձե՛ր մարզում։
