Նոր աղբամաններ՝ Բարձրավանում
Գորիս խոշորացված համայնքը շարունակում է իրականացնել համակարգված աշխատանքներ՝ համայնքի բնակավայրերի սանիտարական վիճակը բարելավելու և բարեկարգելու ուղղությամբ։ Բարձրավան բնակավայրում տեղադրվել են նոր աղբամաններ. նախաձեռնությունը էապես կբարելավի աղբահանության գործընթացը և կնպաստի ավելի մաքուր միջավայրի ձևավորմանը բնակիչների համար։
Գորիս համայնքի բազմաթիվ բնակավայրերում, այդ թվում և Բարձրավանում, աղբահանության կանոնավոր ծառայություններ տարիներ շարունակ չեն իրականացվել։ Սա հանգեցրել է աղբի կուտակման և դրանից բխող տարբեր բնապահպանական ու սանիտարական խնդիրների։
Գորիս համայնքի ղեկավար Առուշ Առուշանյանի հետևողական աշխատանքի շնորհիվ ներկայումս Գորիս խոշորացված համայնքի բոլոր բնակավայրերում ապահովվում է կանոնավոր աղբահանություն։
