Մեծ ոգևորությամբ հայտնում ենք, որ AgroSyunik-ը, European Solidarity Corps-ի շրջանակում, առաջին անգամ հնարավորություն է ստացել ծանոթանալու Հունգարիայի առաջատար փորձին՝ այգեգործության, կոմպոստացման, բիոհումուսի արտադրության, ավտոմատացված ջերմոցային տնտեսությունների և խելացի անասնապահության ոլորտներում։

Այս փորձը մեզ համար ոչ միայն նոր գիտելիքների և հմտությունների ձեռքբերման հնարավորություն էր, այլև միջազգային համագործակցության և փորձի փոխանակման ամուր հիմք։

Հատուկ շնորհակալություն ենք հայտնում մեր գործընկեր Öko-völgy Alapítvány (Eco Valley Foundation) կազմակերպությանը՝ ջերմ ընդունելության, մասնագիտական գիտելիքի և տրանսֆորմացնող փորձի փոխանակման համար։

AgroSyunik-ը պարբերաբար կկիսվի իր ձեռք բերած եվրոպական փորձով՝ ներկայացնելով նոր մոտեցումներ և նորարար լուծումներ կայուն գյուղատնտեսության ոլորտում։

Բացի այդ, մեր թիմը պատրաստ է տրամադրել խորհրդատվություն և ուղեցույցներ այն անհատներին ու կազմակերպություններին, որոնք ցանկանում են զարգանալ այս ուղղությամբ։

Այս փորձը ևս մեկ քայլ է մեր ընդհանուր նպատակի՝

Սյունիքում ժամանակակից, պատասխանատու և գիտելիքահեն գյուղատնտեսության ձևավորման ճանապարհին։