Մարտի 14-ին Հարժիսի՝ Համլետ Մինասյանի անվան միջնակարգ դպրոցի տնօրենության հրավերով աշակերտների, ուսուցիչների և ԳՊՀ հումանիտար մասնագիտությունների ֆակուլտետի հայոց լեզվի և գրականության մասնագիտության ուսանողների համար բանախոսությամբ հանդես եկավ ՀՀ ԳԱԱ Հ․ Աճառյանի անվան լեզվի ինստիտուտի գիտաշխատող, ԳՊՀ դոցենտ, բ․գ․թ․ Մհեր Քումունցը։

2024թ․ Սինգապուրի Forum for Linguistic Studies (FLS) միջազգային գրախոսվող ամսագրի 6-րդ հատորում անգլերենով լույս է տեսել Տեղանվան պատմական զարգացումը հայերենում («Հարժիս» սրբավայրի ստուգաբանություն) (The Historical Development of the Place Name in Armenian (Etymology of ‘Harzhis’ Sacred Area)) հոդվածը (հեղինակներ՝ Mher Kumunts, Inga Margaryan, Hasmik Khachatryan, Gayane Mkhitaryan, Gayane Gevorgyan, Lusine Nersisyan, Viktor Katvalyan)։

Բանախոսը ներկայացրեց հոդվածի բովանդակությունը, մասնավորապես՝ «Հարժիս || Յաջի» տեղանվան ծագումնաբանությունը։

Հեղինակը դպրոցի՝ Ամալյա Եսայանի անվան գրադարանին նվիրաբերեց արժեքավոր գրքեր։