«Ֆիլհարմոնիկը՝ մարզերում» ծրագրի շրջանակում Սերգեյ Խաչատրյանը և Հայաստանի ազգային ֆիլհարմոնիկ նվագախումբը հուլիսի 29-31-ը համերգներով հանդես կգան Մեղրիում, Կապանում և Գորիսում։ Հանդիսատեսը կլսի Մաքս Բրուխի Ջութակի կոնցերտը և Արամ Խաչատրյանի «Դիմակահանդես» դրամայի երաժշտությունը։
Պետության իրական ուժը միայն ռազմական ներուժով չի չափվում։ Դրա հիմքում կանգնած են մարդիկ, որոնք իրենց անձնական շահերից վեր են դասում պետության, ժողովրդի և սեփական համոզմունքների նկատմամբ նվիրվածությունը։ Հենց այդպիսի մտածողությունն է ձևավորում դիմակայուն և ամուր պետական համակարգ։
Լույս աշխարհ են եկել 2023 թվականի սեպտեմբերի 19-ին Արցախի Մարտակերտի շրջանի Կաշենի հանքավայրի պաշտպանության մարտերում զոհված Գոռ Ղուկասյանի երկվորյակ եղբայրները՝ Գոռը և Հայկը։ Նրանց ծնունդը միաժամանակ հուզիչ և խորհրդանշական իրադարձություն է ընտանիքի ու հարազատների համար՝ ցավի կողքին բերելով նոր կյանք և նոր հույս։
Հուլիսի 24-ից Գորիսի բժշկական կենտրոնում հասանելի կլինի մանկական վիրաբուժական մասնագիտացված ծառայությունը։ Նախաձեռնությունը նպատակ ունի բարձրացնել բուժօգնության հասանելիությունը մարզում և երեխաների առողջական խնդիրների դեպքում ապահովել ժամանակին ու որակյալ միջամտություն։
Սյունիքի մարզպետի աշխատակազմում տեղի ունեցած աշխատանքային հանդիպման ընթացքում քննարկվել են գյուղատնտեսական կենդանիների համարակալման և հաշվառման ծրագրի իրականացման ընթացքը, ինչպես նաև անասնաբուժության ոլորտում առկա խնդիրները։ Մասնակիցներն անդրադարձել են «ԱՆԻ ՊԱՍ» համակարգում տվյալների ճշգրտման, մասնագետների աշխատանքային պայմանների և ոլորտի զարգացման հեռանկարներին։
Վերջին օրերին Սինգապուրի շուկա հայկական արտադրանքի արտահանման վերաբերյալ հնչում են տարբեր մեկնաբանություններ և սխալ մեկնաբանություններ։ Կարևոր է ընդգծել, որ խոսքը երբեք չի եղել ռուսական շուկան ամբողջությամբ փոխարինելու մասին։ Սինգապուրը դիտարկվում է որպես նոր և այլընտրանքային արտահանման ուղղություն, որի ուղղությամբ աշխատանքներ տարվել են շուրջ երկու տարի։
ՀՀ կառավարության որոշմամբ կապահովվի Սյունիքի մարզում մի շարք առողջապահական և կրթական ծրագրերի շարունակական իրականացումը։ «Հայաստան-Դիմակայուն Սյունիք» ծրագրի շրջանակում նախատեսվում է առողջապահական հաստատությունների և միջին մասնագիտական քոլեջների կառուցում ու վերանորոգում՝ նպաստելով մարզի սոցիալ-տնտեսական զարգացմանը։
Սիսիան համայնքի բնակավայրերից մեկում հայտնաբերվել է վիրավոր սպիտակագլուխ անգղ, թռչնատեսակ, որ գրանցված է Հայաստանի Կարմիր գրքում։ Փրկարարական ստորաբաժանման ծառայողները թռչնին տեղափոխել են անվտանգ վայր։ Փրկարար ծառայությունը հորդորում է՝ հազվագյուտ և անհետացման եզրին գտնվող կենդանատեսակների հետ առնչվող ցանկացած դեպքի մասին անհապաղ տեղեկացնել համապատասխան մարմիններին։ Ժամանակին ցուցաբերված օգնությունը կարող է վճռորոշ լինել կենդանուն փրկելու և կենսաբազմազանությունը պահպանելու գործում։
Ուրախալի նորություն Զանգեզուր մսամթեքրի հաճախորդների համար․ այսօրվանից արտադրանքն արդեն հասանելի է Երևանի մի շարք խանութներում։ Սա կարևոր ու պատասխանատու քայլ է զարգացման ճանապարհին, որը հնարավոր է դարձել ձեր վստահության և շարունակական աջակցության շնորհիվ։