Հայաստանի բազմաթիվ քաղաքներում շրջելուց հետո մի բան հատկապես առանձնանում է Գորիսում․ այստեղ վարորդները մեծ հարգանքով են վերաբերվում հետիոտներին։ Բավական է մոտենաս անցումային գոտուն կամ կանգնես ճանապարհի եզրին, և մեքենաները կանգ են առնում՝ հնարավորություն տալով հանգիստ անցնել ճանապարհը։
📜 1924-1925 թվականներին հայ-ադրբեջանական սահմանազատման աշխատանքներին մասնակցող Ակսել Բակունցը բազմաթիվ զեկույցներով բարձրաձայնում էր սահմանագծման ընթացքում արձանագրված խախտումների մասին։ Նա փաստում էր, որ որոշ որոշումներ կարող էին Հայաստանից կտրել հայկական գյուղեր, արոտավայրեր, անտառներ և ճանապարհներ։ Բակունցի հետևողական աշխատանքը կարևոր դեր ունեցավ Սյունիքի մի շարք բնակավայրերի պահպանման գործում։
«Արվեստանոցը» սիրով հրավիրում է մասնակցելու «Խելարբուք» ինտելեկտուալ և ստեղծագործական խաղին։ Այն նախատեսված է բոլոր նրանց համար, ովքեր սիրում են տրամաբանական մտածողությունը, հետաքրքիր մարտահրավերներն ու թիմային համագործակցությունը։ Մասնակցելու համար անհրաժեշտ է կազմել 4-5 հոգանոց թիմ, գրանցվել նախապես և պատրաստ լինել հետաքրքիր ու մրցակցային երեկոյի։ Խաղը կանցկացվի հուլիսի 5-ին, ժամը 18:00-ին, «Արվեստանոցում»։ Մասնակցությունը նախատեսված է 14 տարեկանից բարձր անձանց համար։ Սիրով սպասում ենք բոլոր հետաքրքրվողներին։
Հուլիսի 6-ից ուժի մեջ են մտնում ճանապարհային երթևեկության ոլորտի կարևոր օրենսդրական փոփոխությունները։ Նոր կարգավորումների համաձայն՝ վարելու իրավունքից զրկված քաղաքացիները որոշ դեպքերում կարող են վերականգնել իրենց վարորդական իրավունքը առանց որակավորման քննություններ հանձնելու՝ վճարելով օրենքով սահմանված պետական տուրքը և անցնելով մեկ տարվա փորձաշրջան։ Փոփոխությունները վերաբերում են ինչպես նոր դեպքերին, այնպես էլ 2020 թվականի հունվարի 1-ից հետո դադարեցված վարորդական իրավունքներին՝ օրենքով սահմանված պայմանների առկայության դեպքում։