Daily Archives: June 13, 2026

Ֆրանսիայի հայկական հիմնադրամի (Fonds Arménien de France) և «SOS Chrétiens d'Orient» ասոցիացիայի միջև համագործակցության շնորհիվ՝ Ներքին Խնձորեսկ, Տեղ և Խոտ գյուղերի չորս շահառուներ ստացել են մեծ տարողությամբ ինկուբատորներ։ Այս սարքավորումները, որոնք կարող են տեղավորել մինչև 1 000 հավի ձու կամ 2 500 լորի ձու, հնարավորություն կտան զարգացնել եկամտաբեր թռչնաբուծական գործունեություն և կամրապնդեն շահառու ընտանիքների ինքնաբավությունը։ Այս ծրագիրն իրականացվել է համաֆինանսավորման սկզբունքով, ինչը վկայում է իրենց իսկ շահառուների հանձնառության մասին՝ սեփական գործի հաջողության հարցում։

Գրառումը կարող եք ընդունել որպես հաղորդում և ընթացք տալ դրան, քանի որ դուք եք պահանջել, իսկ ես այն ներկայացնում եմ որպես ազնիվ և ճշմարտախոս ՀՀ հակաիշխանական քաղաքացի՝ հավատարիմ մնալով հայկական սկզբունքներին և ՀՀ քաղաքացու անձագրին, որի վրա #ՀԱՅերեն տառերով գրված է #ՀԱՅաստանի_Հանրապետություն, գրված չէ՝ Ադրբեջանի հանրապետություն կամ Թուրքիայի հանրապետություն, որը պարտավորեցնում է ծառայել #ՀԱՅաստանին և ո’չ՝ օտար դրածոներին, ո’չ՝ օտար և հակառակորդ պետությունների շահերին, ինչն էլ քաղաքացուց առաջ ձեր պարտականությունն է՝ ի պաշտոնե:

Ընդամենը երկու ամիս առաջ Anthropic-ը ներկայացրեց այս պահին ԱԲ աշխարհում առկա ամենահզոր ու ամենաարդյունավետ Mythos մոդելը։ Բայց քանի որ այն իրոք չափազանց հզոր էր, հայտնաբերում էր պաշտպանված ու հուսալի թվացող էլեկտրոնային ենթակառուցվածքների անհայտ խոցելիությունները, Anthropic-ը այդ մոդելը բաց օգտագործման չհանձնեց։ Այն փոխանցվեց խոշոր կորպորացիաներին` իրենց խոցելի ենթակառուցվածքների խնդիրները բացահայտելու ու կարգավորելու համար։

Կիրանց գյուղի բնակիչ Գոհար Վարդանյանը, ով բացահայտել էր, թե ինչպես է ստացվել, որ Կիրանցում ապրում է 260 չափահաս, բայց քվեարկել է 307-ը, տեղեկացրել է, որ գրառման պատճառով ստիպված է եղել ազատվել Իջևանի համայնքապետարանի աշխատակազմում աշխատանքից։ «Քանի օր է՝ կարդում եմ, որ չկա գոնե մեկ պետական աշխատող, որը կունենա ընդդիմադիր հայացքներ ու հրապարակայնորեն կխոսի։ Ո՞նց չկա, բա ես ի՞նչ էի։ Պարզապես ես արդեն գրել եմ աշխատանքից ազատման դիմում՝ «սեփական» դիմումի համաձայն։»

Տեսնես Սիսիանում մի ճաշակով մարդ կհայտնվի, որ առաջարկեն Մելիք Թանգու կամուրջը գիշերային գեղարվեստական լուսավորություն ապահովեն և դարձնեն զբոսաշրջային առանցքային վայր: 🔺Պատմական կամուրջ 🔺գեղարվեստական լուսավորություն, որի համար զբոսաշրջիկը կամ ցանկացած մարդ կսպասի մինչև երեկո որպեսզի իր աչքով տեսնի, իսկ դա հավելյալ գումարներ կգեներացնի համայնքի տարածքում:

Վանքի արևմտյան կողմում, վանքից մոտ 100 մետր հեռավորության վրա, գետնից 45 մետր բարձրության վրա, անցնում են՝ (տասնյակ հազարավոր վոլտ՝ ԳԵՐԲԱՐՁՐ լարմամբ էլեկտրալարեր։ Ձեր դրոնը վթարելու, կորցնելու համար, պարտադիր չէ որ բախվեք այդ լարերին, բավական է անգամ մոտենալը, արանքով անցնելը։ Նման բաաարձր լարում ունեցող լարերի շուրջն ու միջև կա հզոր էլեկտրամագնիսական դաշը, որը ՏԵՂՈՒՄ ընդունակ է խափանել ձեր դրոնի աշխատանքը, հոսանքազրկել ու արդյունքում դրոնը քարի կտորի պես գցել գցել ցած։

Տ. Վարդանյանը երկար ժամանակ է՝ երկրում չէ, իսկ Ալենի նկատմամբ դատարանի (հասկանալ՝ իշխանության) որոշումը, պարզ լեզվով ասած, հանրային խոսքի ու քաղաքական հավաքներին մասնակցության արգելք է։ Ի դեպ, առավոտյան էլ իրավապահները նախկին պատգամավոր Արեգնազ Մանուկյանի տուն էին ներխուժել. մի գործ էլ այնտեղ են «քչփորում»։ Իշխանությանը մի քայլ է մնացել՝ ընդդիմադիր քաղաքական խոսույթը քրեականացնելու և ազատ հավաքներն արգելելու համար։

Հիշեցնեմ, որ հոգևորականի նկատմամբ այս պահին գործում են խիստ արգելքներ։ Նա ոչ միայն գտնվում է տնային կալանքի տակ, այլև զրկված է մարդկանց հետ հաղորդակցվելու և եկեղեցում պատարագներ մատուցելու հնարավորությունից։ Ընտրական այս լարված շրջանում ամեն ինչ արվեց, որպեսզի նա չխոսի հանրության հետ, չդիմի ընտրողներին և չհայտնի իր կարծիքը։ Այս ամբողջ ընթացքում նա փաստացի զրկված էր խոսքի ազատության իրավունքից։

Հայաստանի ծրագրված թուրքացմանն ընդառաջ ՔՊ-ն Հայաստանում անցկացրեց, ըստ էության, առաջին թուրքավարի կամ «էրդողանական» ընտրությունները։ Փաստերի ամբողջությունը հիմք է տալիս ենթադրելու, որ Փաշինյանի գլխավոր խորհրդատուները առաջնորդվել են նույն քաղաքական տեխնոլոգիաներով, որոնց օգնությամբ Ռեջեփ Թայիփ Էրդողանը վերջին տասնամյակներում կազմակերպել և վերահսկել է Թուրքիայի ընտրական գործընթացները։ Ստորև շատ համառոտ ներկայացնում եմ «ընտրությունների» էրդողանական մոդելը, որը կարելի է համեմատել Հայաստանում Փաշինյանի կողմից ներդրվող ընտրական համակարգի հետ։ Նմանությունները ակնհայտ են։

«Ինչպես տեսանք Դամասկոսի, Հալեպի եւ Ղարաբաղի ազատագրումը, այնպես էլ Աստծո կամքով մի օր կտեսնենք Երուսաղեմինը: Ինչպես անցյալում, այս հողերը կրկին մեզ կպատկանեն: Քաղաքը պիտի վերադարձվի Թուրքիայի վերահսկողությանը»: Հրեական ԶԼՄ-ները հունիսի 8-ին զետեղել են Իսրայելի ԱԳՆ, ՊՆ-ի քննադատությունը Չիֆթչիի X -ում հրապարակված ելույթին: