Daily Archives: June 8, 2026

Նախընտրական փուլը ուղեկցվել է մեր առաջնորդի, թեկնածուների, համակիրների և թիմակիցների նկատմամբ նպատակային գործողություններով, զանգվածային ապօրինի ձերբակալություններով ու քրեական հետապնդումներով, որոնք միտված էին սահմանափակել քաղաքական մրցակցությունն ու ազդել ընտրողների ազատ կամարտահայտության վրա։ Բուն քվեարկության օրը լայնորեն կիրառվել է վարչական ռեսուրսը՝ պետական և համայնքային լծակների ներգրավմամբ, փորձելով կանխորոշել ընտրությունների արդյունքը։ Քվեարկության օրն արձանագրվել են բազմաթիվ ընտրախախտումներ, որոնց մասին ահազանգերը ստացվել են ամբողջ օրվա ընթացքում` հանրապետության ամբողջ տարածքից։

Նիկոլին ընտրողներ "շնորհավորում եմ" դուք ձեր քվեյով ապահովեցիք թուրքիայի ու ադրբեջանի հաղթանակը Հայաստանի նկատմամբ ..... «Փաշինյանի հաղթանակը պետք է դիտարկել որպես Ադրբեջանի եւ Թուրքիայի հաղթանակ» Ջեյհուն Բայրամով, Ադրբեջանի ԱԳ նախարար, 8 հունիսի, 2026

Գիտաժողովը կազմակերպում են «Ակսել Բակունց» գիտամշակութային հիմնադրամը և Ակսել Բակունցի տուն-թանգարանը։ Նախաձեռնության նպատակն է ստեղծել բակունցագիտության արդի խնդիրների քննարկման գիտական հարթակ՝ համախմբելով ՀՀ տարբեր բուհերի, գիտական ու մշակութային հաստատությունների ներկայացուցիչներին, գրականագետներին, բանասերներին և երիտասարդ հետազոտողներին։ Երկօրյա գիտաժողովի ընթացքում կներկայացվեն շուրջ երկու տասնյակ զեկուցումներ՝ նվիրված Ակսել Բակունցի ստեղծագործության գրականագիտական, լեզվաբանական, մշակութաբանական, կրթական, հոգելեզվաբանական և միջարվեստային տարբեր դիտանկյուններին։ Գիտաժողովը նպատակ ունի խթանել Բակունցի գրական ժառանգության նոր ընթերցումներն ու հետազոտությունները, ինչպես նաև նպաստել Գորիսի՝ որպես գիտամշակութային կարևոր կենտրոնի զարգացմանը։

Մի քանի ժամ առաջ տեղեկացրել էի, որ ԲՀԿ-ն մի շարք ընտրատեղամասերում սկսել է վերահաշվարկի գործընթաց: Տարբեր տեղամասերից ստացված տեղեկատվության համադրմամբ արձանագրել ենք հետևյալ պատկերը՝ 27/7 ընտրատեղամասում հանձնաժողովի արձանագրության համաձայն՝ «Բարգավաճ Հայաստան» կուսակցությունը ստացել է 77 ձայն, մինչդեռ ԿԸՀ կայքում նշված է 1 ձայն։ 12/20 ընտրատեղամասում արձանագրության համաձայն՝ ԲՀԿ-ի օգտին քվեարկել է 26 ընտրող, իսկ ԿԸՀ կայքում նշված է 1 ձայն։

Ժամը 20։00-ին, ինչպես պահանջում է օրենքը, տեղամասային կենտրոնի դռները փակվել են։ Սակայն այդ պահին շենքի միջանցքում հավաքված է եղել մոտ 480 զինվոր։ Հրամանատարությունը պնդել է, որ զինծառայողները հերթափոխից են ուշացել և անպայման պետք է մասնակցեն ընտրությանը։ Ըստ օրենքի՝ ժամը 20:00-ից հետո քվեարկելու իրավունք ունեն միայն այն ընտրողները, որոնք արդեն իսկ գտնվում են բուն քվեարկության սենյակում։ Այս տեղամասում քվեարկության սենյակը դռներով լիովին առանձնացված է եղել միջանցքից, և ժամը 20։00-ի դրությամբ զինվորների ճնշող մեծամասնությունը քվեարկության սենյակում չի գտնվել:

Սիսիանում անցկացված ազատ ոճի ըմբշամարտի բաց առաջնությունում Գորիսի համայնքային մանկապատանեկան մարզադպրոցի սաները հաջող մրցելույթներ ունեցան՝ նվաճելով 1 ոսկե, 2 արծաթե և 2 բրոնզե մեդալ։

Երեկ՝ հունիսի 7-ին, ժամը 16:15-ի սահմաններում, Տաթև համայնքում ողբերգական ճանապարհատրանսպորտային պատահար է տեղի ունեցել։ Նախնական տեղեկություններով՝ ավտոմեքենան դուրս է եկել երթևեկելի հատվածից և գլորվել ձորը։ Վթարի հետևանքով զոհվել են մեկ ընտանիքի երեք անդամներ, ևս մեկ քաղաքացի ծանր վնասվածքներով տեղափոխվել է Գորիսի բժշկական կենտրոն։

Ուսանողները մասնակցեցին Գորիսի կանաչապատման աշխատանքներին՝ իրենց ներդրումն ունենալով քաղաքի ավելի գեղեցիկ և խնամված միջավայրի ձևավորման գործում։ Նախաձեռնությունը կարևոր փորձառություն դարձավ երիտասարդների համար՝ խթանելով համայնքային ակտիվությունն ու պատասխանատվությունը։