Սեպտեմբերի 22-ին կարող եք հերթագրվել էնդոկրինոլոգի խորհրդատվության համար: Մասնագետը կտրամադրի բուժում և ախտորոշում մի շարք խնդիրների, ինչպիսիք են շաքարային դիաբետը, վահանագեղձի հիվանդությունները, քաշի ավելցուկը, օստեոպորոզը և հղիության ընթացքում առաջացող էնդոկրին խնդիրները: Հերթագրումը կատարվում է նախապես, զանգահարելով նշված հեռախոսահամարին:
Սյունիքի մարզում ավարտվել է սուբվենցիոն ծրագիրը, որի շրջանակում բարեկարգվել են Կապան քաղաքի Հունան Ավետիսյան և Մինաս Պապյան փողոցների մի շարք շենքերի բակերը: Ասֆալտապատվել են բակային տարածքները, կառուցվել են մայթեր ու թեքահարթակներ։ Ծրագրի ընդհանուր արժեքը կազմել է 205 մլն դրամ, որից 113 մլն դրամը տրամադրվել է ՀՀ պետբյուջեից։
Գորիսի համայնքապետարանի ենթակայությամբ գործող պատկերասրահում սեպտեմբերի 16-ին կայացավ գեղանկարչուհի Լորետա Հակոբյանի անհատական ցուցահանդեսը։ Միջոցառմանը ներկա էին նկարչուհու ընտանիքի անդամները, արվեստագետներ և Գորիսի մշակույթի ներկայացուցիչներ։ Պատկերասրահի տնօրեն Ժիրայր Մարտիրոսյանը շնորհակալագիր հանձնեց գեղանկարչուհուն, իսկ ցուցահանդեսի ավարտին նա նվիրեց իր աշխատանքներից մեկը պատկերասրահին՝ ջերմ մթնոլորտում ամփոփելով միջոցառումը։
Երեկ Գորիսի պետական դրամատիկական թատրոնում չդադարող ծափահարությունների ներքո կայացավ 88-րդ թատերաշրջանի առաջին պրեմիերան՝ «Միրհավ»-ը։
Գորիսի պետական համալսարանը ՀՀ ԿԳՄՍՆ աջակցությամբ 2024 թվականի նոյեմբերի 22-ին՝ ժամը 12:00-ին, համալսարանի 1-ին մասնաշենքի 2-րդ հարկի սրահում երիտասարդների համար կազմակերպում է աշխատանքի տոնավաճառ:
Սուր շնչառական վարակների որոշակի ակտիվացումով պայմանավորված Գորիսի ԲԿ֊ի հիվանդանոցի մանկական և թերապևտիկ բաժանմունքներն աշխատում են ծանրաբեռնված գրաֆիկով, ուստի հորդորում ենք սուր շնչառական վարակներին բնորոշ ախտանիշներ (բարձր ջերմություն,հազ, ցավ կոկորդում, քթահոսություն,համի և հոտի զգացողության խանգարում և այլն) ունենալու դեպքում առաջին հերթին դիմել ձեր ընտանեկան բժշկին (մանկաբույժ կամ թերապևտ)` խորհրդատվություն և ճիշտ բուժում ստանալու համար:
Գորիսի ԲԿ֊ն` հետամուտ լինելով նոր սարքավորումներով և գործիքներով համալրվելու քաղաքականությանը, ձեռք է բերել ուրոլոգիական նոր սարքավորում` բիպոլյար ՏՈւՌ համակարգ և նախկինում օգտագործվող մոնոպոլյար ՏՈւՌ սարքը փոխարինվել է ոսկե ստանդարտ համարվող բիպոլյար ՏՈւՌ սարքով։
Տեղեկացնում ենք, որ անոթային վիրաբույժ Արմեն Սուրենի Բաբայանը սեպտեմբերի 20-ին, ժամը 11։00-ից Գորիսի ԲԿ-ի հիվանդանոցում կիրականացնի բուժառուների ընդունելություն։
Սեպտեմբերի 14-ին Սյունիքի մարզում առաջին անգամ անցկացվեց ՀՀ ԿԳՄՍ-ի նախաձեռնած «Դպրոցական բաժանորդային համակարգ» ծրագրի Էքսպո-արշավը: Միջոցառումները կազմակերպվեցին Կապանում և Գորիսում, որտեղ մասնակցեցին դպրոցականներ, ներկայացվեցին մշակութային կազմակերպությունների գործունեությունները, անցան վարպետաց դասեր, պանելային քննարկումներ, երգի և նկարչության մրցույթներ: Հայկ Հարությունյանը կարևորեց միջոցառման մշակութային արժեքը և նշվեց Կապանի դրամատիկական թատրոնի 89-րդ թատերաշրջանի բացումը:
Սյունիքի մարզպետի խորհրդական Կարեն Բալյանը Քաղաքաշինության վարչության հետ այցելել է Կապանում ընթացող սուբվենցիոն ծրագրերի շինաշխատանքներին: Նորոգվում են Կապանի թիվ 1 ՆՈՒՀ-ի և Դավիթ Բեկ թաղամասի ակումբ-գրադարանը: Այս աշխատանքները ֆինանսավորվում են կառավարություն-համայնք համաֆինանսավորմամբ, և դրանց մեծ մասն արդեն ավարտին է մոտենում: