1928 թվականից գործող Գորիսի բժշկական կենտրոնը 95 տարեկան է։ Կառույցն այսօր 329 աշխատակից ունի, իսկ հիվանդներին սպասարկում են բարձր որակավորում ունեցող 70 բժիշկներ։ Բժշկական կենտրոնն իրականացնում է հիվանդանոցային, արտահիվանդանոցային և շտապ օգնության ծառայություններ: Կենտրոնի պոլիկլինիկայում Գորիսի և տարածաշրջանի բնակչության առողջության առաջնային պահպանմանը հետևում են համապատասխան մասնագիտացում անցած 11 ընտանեկան բժիշկներ։
Այսօր Մայր Աթոռ Սուրբ Էջմիածնում, Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ, մեկնարկեց Գերագույն հոգևոր խորհրդի ժողովը: Ժողովի օրակարգում ընդգրկված են ազգային, եկեղեցա-վարչական, կանոնական, կարգապահական, հայեցակարգային և Եկեղեցու առաքելության արդյունավորմանն առնչված հարցեր: Քննարկման առարկա կդառնան Հայաստանում ու Արցախում ստեղծված կացությունը և առկա մարտահրավերների հաղթահարմանն ուղղված Եկեղեցու առաքելությունը։
Սպիտակ տունը դաշնային գործակալություններին ժամանակ է տվել Տիկ֊Տոկ հավելվածը բոլոր սարքերից ջնջելու համար։ Չինական հավելվածը անվտանգության խնդիրների պատճառով հայտնվել է Վաշինգտոնի ուշադրության կենտրոնում։ Որոշ գերատեսչություններ, ներառյալ պաշտպանության նախարարությունը, ներքին անվտանգության նախարարությունը եւ պետական կառավարումը, արդեն սահմանել են նշված սահմանափակումները:
Գևորգ Դանիելյանը ֆեյսբուքյան իր էջում գրել է. Ադրբեջանը ակնկալում է, որ Հայաստանն անվերապահորեն ճանաչի Ադրբեջանի տարածքային ամբողջականությունը։ Ըստ այդ երկրի սահմանադրական ակտի, Ադրբեջանի ինքնիշխանությունը տարածվում է «Անդրկովկասի փոխարքայության հարավային և արևելյան շրջանների» նկատմամբ, այսինքն՝ Սյունքի, Արցախի, Գանձակի, Նախիջևանի և Բաքվի գավառի վրա։