191 Views
Գորիսի քաղաքային պատկերասրահ ֆեյսբուքյան էջից տեղեկանում ենք, որ երեկ գրող, արձակագիր, բանահավաք, Հայաստանի գրողների միության անդամ, Հայաստանի գրողների միության Սյունիքի մասնաճյուղի նախկին նախագահ Արկադի Ծատուրյանի ծննդյան օրն է։
Արկադի Ծատուրյանը
ծնվել է 1937թ. փետրվարի 7-ին, Գորիսի շրջանի Խնձորեսկ գյուղում։ Ավարտել է տեղի միջնակարգ դպրոցը: Ստացել մանկավարժական բարձրագույն կրթություն։ Ավելի քան 45 տարի աշխատել է որպես հայոց լեզվի և գրականության ուսուցիչ, եղել է դպրոցի ուսմասվար և տնօրեն։ Տպագրվել է հանրապետական մամուլում: Հեղինակել է ավելի քան 14 գիրք։ Կազմել և խմբագրել է մի շարք գրքեր։ 2012թ-ից Հայաստաի գրողների միության անդամ է: 2005թ. արժանացել է ՀՀ «Մովսես Խորենացի» մեդալի։
