Տաթև համայնքի Շինուհայր բնակավայրի մանկապարտեզում այս օրերին տիրում է առանձնահատուկ տոնական շունչ։
Մանկապարտեզը լցված էր երեխաների ժպիտներով ու ուրախ աղմուկով, իսկ տոնական մթնոլորտը զգացվում էր ամեն անկյունում։
Մանկապարտեզի գլխավոր տոնածառի զարդարումը վերածվել էր գեղեցիկ ու ջերմ միջոցառման, որին սիրով մասնակցեցին թե՛ երեխաները, թե՛ աշխատակիցները։ Ավագ, միջին և կրտսեր խմբերի երեխաների ձեռքով կախված գունագեղ խաղալիքները տոնածառին հաղորդեցին ամանորյա հմայք՝ դարձնելով այն համատեղ աշխատանքի և միասնականության խորհրդանիշ։
Տոնը սկսվում է միասին ստեղծած ուրախ պահերից։
