Տաթև համայնքի ղեկավար պարոն Սամվել Լալայանի շնորհավորական խոսքը՝ Մայիսի 1-ի՝ Աշխատանքի և աշխատավորների համերաշխության միջազգային օրվա առթիվ
Շնորհավորում եմ ձեզ Մայիսի 1-ի՝ Աշխատանքի ու աշխատավորների համերաշխության միջազգային օրվա կապակցությամբ։ Այս օրը լավ առիթ է արժևորելու յուրաքանչյուր քաղաքացու՝ նվիրված ու բարեխիղճ աշխատանքի դերը մեր համայնքի և երկրի կայուն զարգացման ու առաջընթացի գործում։
Աշխատանքն արժեք է, որն ամրացնում է մարդու ինքնարժեքն ու պատկանելության զգացումը։ Այն միավորող ուժ է, որը ձգում է մեզ առաջ՝ հանուն մեր ընտանիքների բարեկեցության, երեխաների լուսավոր ապագայի և համայնքի համընդհանուր բարօրության։
Սիրով ու պատասխանատվությամբ արված յուրաքանչյուր գործ մասն է կազմում մեր ընդհանուր հաղթանակների։ Ուստի ուզում եմ իմ երախտագիտությունը հայտնել բոլորիդ՝ ձեր ամենօրյա համբերատարության, նվիրումի ու տոկունության համար։
Թո՛ղ Մայիսի 1-ը լինի նաև նոր հաջողությունների ու ձեռքբերումների սկիզբ։ Մաղթում եմ ձեզ առողջություն, հզոր կամք, ստեղծարար միտք և բեղմնավոր աշխատանք։
