Սիրելի՛ ծնողներ և երեխաներ,

Սիրով տեղեկացնում ենք, որ «Հարավային Կովկասի սոցիալական կրկես» կազմակերպությունը («South Caucasus Social Circus») Գորիս համայնքում իրականացնում է սոցիալական կրկեսային փառատոն, որը երեխաների համար կդառնա ուրախ, գունեղ ու անմոռանալի ժամանցի գեղեցիկ հնարավորություն։

Փառատոնի շրջանակում նախատեսվում են՝

Կրկեսային ներկայացումներ,

Բաց կրկեսային աշխատարաններ,

Ստեղծագործական վարպետաց դասեր,

Զվարճալի խաղեր և ինտերակտիվ ժամանց,

Աճպարարական համարներ ու անակնկալներ,

Երաժշտական ծրագիր և տոնական երեկո։

Միջոցառումների ընթացքում երեխաներին սպասվում են զվարճալի խաղեր, հետաքրքիր փորձություններ, աճպարարական հրաշքներ, ստեղծագործական զբաղմունքներ, անակնկալներ և, իհարկե, իսկական կրկեսային շոու։

Հոկտեմբերի 3

Ժամը 16։00

«Օդի ճանապարհորդները» կրկեսային ներկայացումը՝ Վ. Վաղարշյանի անվան պետական դրամատիկական թատրոնի շենքում։

Հոկտեմբերի 4

Ժամը 12։30

Կրկեսային զվարճալի օր՝ Վերիշենում՝ վարպետաց դասերով, զվարճալի խաղերով, ստեղծագործական զբաղմունքներով, որմնանկարչությամբ և բազմաթիվ անակնկալներով։

Մուտքն ազատ է։

Սիրով սպասում ենք բոլոր երեխաներին, ծնողներին՝ միասին անցկացնելու ուրախ, գունեղ և հիշարժան օրեր։

Եկե՛ք միասին բացահայտենք կրկեսի կախարդական աշխարհը։