Ազգային ֆիլհարմոնիկ նվագախումբը մշակութային ծրագրի շրջանակում համերգներ կտա Սյունիքի մարզի համայնքներում։

«Ֆիլհարմոնիկը՝ մարզերում» ծրագրի շրջանակում Սերգեյ Խաչատրյանը և Հայաստանի ազգային ֆիլհարմոնիկ նվագախումբը հուլիսի 29-31-ը համերգներով հանդես կգան Մեղրիում, Կապանում և Գորիսում։

Հանդիսատեսը կլսի Մաքս Բրուխի Ջութակի կոնցերտը և Արամ Խաչատրյանի «Դիմակահանդես» դրամայի երաժշտությունը՝ Էդուարդ Թոփչյանի ղեկավարությամբ։