Որոտանում շարունակվում են ջրամբարի վերակառուցման աշխատանքները։ ՄԱԿ-ի պարենի համաշխարհային ծրագրի և Գորիսի համայնքապետարանի համատեղ համագործակցությամբ իրականացվող նախագիծը հնարավորություն կտա ամբողջապես վերականգնել բնակավայրի ոռոգման համակարգը։

Համայնքի ղեկավար Առուշ Առուշանյանի հետևողական ջանքերի շնորհիվ Գորիս համայնքի բոլոր բնակավայրերում ոռոգման խնդիրը լուծում է ստանում։

Նպատակը հստակ է՝ Գորիս համայնքի որևէ բնակավայրում այգիների ոռոգման հարցը խնդիր չպետք է լինի։ Սա ոչ միայն տնտեսական, այլև անվտանգային նշանակություն ունեցող ծրագիր է, որը նոր հեռանկարներ է բացում սահմանամերձ բնակավայրերի զարգացման համար։

Համայնքը գործընկեր կազմակերպությունների հետ աշխատանքներ է տանում, որպեսզի ցանցը սնուցող հիմնական ջրատարը ևս վերակառուցվի։