Քանի որ շատ են հարց տալիս թե ի՞նչու եմ անընդհատ գրում ու բացատրում ճանանչողական պատերազմի մասին, և ինչ է նրա տարբերությունը տեղեկատվական քարոզչության հետ, ուստի հարկ եմ համարում բացատրել՝
Ի՞նչ է ճանանչողական պատերազմը և դրա նպատակը
Ճանանչողական պատերազմի նպատակն է փոխել մարդկանց ընկալումը շրջապատի նկատմամբ և նրանց ուղորդել ինչ-որ կոնկրետ բան անելու՝ թշնամու համար։ Կարելի է ասել, որ ճանաչողական պատերազմը հոգեբանական պատերազմի ավելի բարդ և համապարփակ ձևն է։ Դա մի տեսակ <երևույթների> պատերազմ է, որը տարածվում է զանգվածային լրատվամիջոցների, սովցանցերի, համացանցերի տեսահոլովակների, դրսից ֆինանսավորում ստացող՝ բոլգերների ու հասրակական կազմակերպությունների, և այլ միջոցներով։ Մի խոսքով՝ դա գոյությունը պահպանելու մի տեսակ պատերազմ է բոլոր իմաստներով, որը տեղի է ունենում թշնամու կողմից զոհի կենսակերպի ճանաչողությունը և ըմբռնումը փոփոխելու համար։ Այս պատերազմի արվեստը կայանում է նրանում, որ զոհը չի զգում, որ գտնվում է դաժան պատերազմի դաշտում։
Ի տարբերություն հոգեբանական պատերազմի, որոնց հետևանքները ժամանակավոր և անցողիկ են, ճանաչողական պատերազմը զբաղվում է անհատի և հասարակության մտքի և գիտակցության խորը և տևական վերադասավորմամբ և վերածրագրավորմամբ։
