Հայտարարություն
Գորիս համայնքի սիրելի բնակիչներ
Տեղեկացնում ենք, որ հոկտեմբերի 25-ին Գորիս համայնքում հայտարարվում է համայնքային շաբաթօրյակ։
Կոչ ենք անում բոլոր կազմակերպություններին, ձեռնարկություններին և բիզնեսներին՝ ակտիվ մասնակցություն ցուցաբերել և մաքրել իրենց հարակից տարածքները, այդ թվում՝ սեփական դարպասներից դուրս հատվածները։ Առանձնատների բնակիչներին ևս հորդորում ենք մաքրել իրենց բակերը և մայթերը։
Միաժամանակ հորդորում ենք հոգ տանել մասնավոր տարածքներում, բակերում, փողոցների մայթերում տնկված թփերի և ծառերի մասին՝ պահպանելով դրանց կանաչապատ տեսքը։
Շաբաթօրյակի ընթացքում կուտակված աղբը տեղափոխելու համար կարող եք զանգահարել «Գորիսի կոմունալ ծառայություն» ՀՈԱԿ՝ +374 77 668499 հեռախոսահամարով։
Յուրաքանչյուր բնակիչ համայնքի տերն է, և յուրաքանչյուրի հոգատար վերաբերմունքը կարևոր է։ Եկեք միասին մաքուր և գեղեցիկ դարձնենք մեր համայնքը։
