Հոկտեմբերի 1-ին՝ Տարեցների միջազգային օրվա կապակցությամբ, Գորիսի համայնքապետարանի նախաձեռնությամբ Գուսան Աշոտի անվան մշակույթի կենտրոնի ժողգործիքների համույթն այցելեց «Համագործակցության կամար» ՀԿ-ի բարեգործական ճաշարան։

Այցելության նպատակն էր տարեցներին առօրյա հոգսերից փոքր-ինչ շեղելն ու նրանց օրը տոնական դարձնելը։

Օրը առանձնահատուկ դարձավ նաև մեկ այլ իրադարձությամբ․ համույթի նախկին աշխատակից Սուսաննա Ղումաշյանի ծննդյան տարեդարձի կապակցությամբ տիկին Ղումաշյանին հանձնվեց պատվոգիր՝ երկարամյա աշխատանքային ավանդի և մշակույթի կենտրոնում ցուցաբերած նվիրվածության համար։